Biletebi.ge-მ Uefa-ს სუპერთასის ბილეთების ონლაინგაყიდვა დაასრულა. ვებგვერდმა გუშინ 4 300 ბილეთი გაყიდა. ბილეთები როგორც უცხოელ, ისე ქართველ მომხმარებელზე გაიცემოდა.
"საერთაშორისო კვოტა ამოწურულია. 22 000 ბილეთის რეალიზაცია მოხდება სალაროში", - წერს biletebi.ge.
საქართველოს ფეხბურთის ფედერაციისთვის ჯერჯერობით უცნობია, როდის დაიწყება ბილეთების სალაროებში გაყიდვა.
UEFA-ს სუპერთასის ფინალური შეხვედრა, რომელზეც ბარსელონა და სევილია ერთმანეთს დაუპირისპირდებიან, თბილისში 11 აგვისტოს დინამო არენაზე გაიმართება. მატჩი 22:45 საათზე დაიწყება.