2 ოქტომბერს ძველი იპოდრომის ტერიტორიაზე, ყოფილი მანეჟის შენობაში Fall Set-ი გაიმართება. ღონისძიების ფარგლებში საქართველოს ეწვევიან:
Worakls - ეს ახალგაზრდა ფრანგი არტისტი სულ რაღაც 26 წლისაა. 3 წლის იყო, როდესაც ფორტეპიანოს მიუჯდა და მას მერე მუსიკა მის გატაცებად, ყოველდღიურობად და პროფესიად გადაიქცა. ბევრი კოლეგა დიჯეისგან და პროდიუსერისგან განსხვავებით, მისი მუსიკალური განათლება არა დილეტანტიზმს, უბრალო მუსიკალურ სასწავლებელს, არამედ კონსერვატორიას მოიცავს. კლასიკური განათლებით და სპეციფიკური გემოვნებით, დღესდღეობით მუსიკოსი თანამედროვე ტექნოსცენის ერთ-ერთი გამორჩეული წარმომადგენელია - მისი მუსიკა მელოდიურია, უხდება მასშტაბურ ღონისძიებებს, არ კარგავს მელოდიურ ხაზს და არასოდეს გადაზრდილა ზედმეტად მძიმე, უხეშ ან უსულო საუნდში.
მისი ყველაზე ცნობილი სინგლი, Porto, 2014 წელს გამოვიდა. ამ პერიოდიდან მოყოლებული არტისტზე მოთხოვნა გაიზარდა, მას ყოველკვირეულად არაერთ ფესტივალზე თუ მცირე მასშტაბის ივენთზე უწევს დაკვრა.
Worakls-ის კარიერაში რამდენიმე მასშტაბური ფესტივალია, მათ შორისაა ფრანგული La Nuit Rouge და მექსიკური Soultech Festival, ბარსელონას Dgtl Festival და ახლა უკვე Tbilisi Summer Set-იც.
ამჟამად Worakls Fall Set-ის ერთ-ერთი მთავარი ჰედლაინერია, ახალგაზრდა ფრანგი არტისტი 2 ოქტომბერს ქართველი მელომანებისთვის დაუკრავს.
Gidge - შვედური დუო, რომელიც განსაკუთრებით ცნობილი 2014 წელს გამოცემული ალბომით - "Autumn Bells" გახდა. იგი მალევე აღიარეს მუსიკალურ შედევრად. მათი მუსიკით შექმნილ თბილ და წრფელ ატმოსფეროს მსმენელი სხვა რეალობაში გადაჰყავს.
Gidge-ს შთაგონების წყარო და მთავარი „იარაღი“ ჩრდილოეთის ტყეები და მასში წარმოქმნილი უჩვეულო ბგერებია. მრავალდონიანი ბიტი, მძიმე აკორდები, შორეული ვოკალური სემპლები, ამ ყოველივეთი ისინი მსმენელის გულის დაპყრობას წარმატებით ახერხებენ. 2 ოქტომბერს კი შვედური დუეტის სამიზნე ქართელი მელომანები გახდებიან.
Tade – ქართველი ნიჭიერი არტისტი.
ღონისძიებას ვიზუალურად გააფორმებს ვიზუალ-არტისტი Masterskey.
▌▒ ბილეთის ფასი: 20 ლარი
▌▒ ბილეთების შეძენა ღონისძიების ადგილზე 2 ოქტომბერს 22:00 საათიდან იქნება შესაძლებელი.
▌▒ ონლაინ ბილეთების შეძენა შესაძლებელია 2 სექტემბრიდან საიტზე: www.eventer.ge
