ანიტა რაჭველიშვილი: მინდა გთხოვოთ პატიება, რომ ოდესღაც წავედი რუსეთში და ვიმღერე კონცერტზე

მე აქ მოსული ვარ, როგორც ერთი რიგითი ქართველი, პატრიოტი საკუთარი ქვეყნის და მე მინდა გთხოვოთ პატიება თქვენ, ერთმანეთს მინდა ვთხოვოთ პატიება. მე მინდა გთხოვოთ პატიება, რომ ოდესღაც წავედი რუსეთში და ვიმღერე კონცერტზე. იმისთვის, რომ ოდესღაც ვუჭერდი მხარს პარტიას, რომელიც ანგრევდა საქართველოს და აგრძელებს ამის კეთებას. იმისთვის, რომ საკმარისად არ ვიბრძვი, იმისთვის, რომ მმართველი პარტია დღეს არ ჩაგრავდეს ყოველ ჩვენთაგანს და არ ღვრიდეს ჩვენი მოქალაქეების სისხლს. მინდა ერთმანეთს ვთხოვოთ პატიება იმისთვის, რომ ერთმანეთი შეგვაძულეს და დავკარგეთ ერთმანეთის სიყვარული. ჩაეხუტეთ ერთმანეთს, აპატიეთ ერთმანეთს და უთხარით ერთმანეთს, რომ გიყვართ ერთმანეთი.