კობახიძე ევროპარლამენტარ ნაჩო სანჩეს ამორზე: ემოციურ ფონზე გააკეთა განცხადება

ერთერთმა ევროპარლამენტარმა გააკეთა ემოციურ ფონზე განცხადება იმის თაობაზე, რომ პოლიტიკოსების ადგილი უნდა იყოს მოლაპარაკების მაგიდასთან და არა - ციხეში. 48 მილიონი ლარი რომ მოიპაროს რომელიმე ჩვენგანმა გადასახადების გადამხდელების ფულიდან, ჩვენი ადგილი ნამდვილად არ უნდა იყოს მომავალში მოლაპარაკებების მაგიდასთან და პოლიტიკაში. შესაბამისად, უგულავას ადგილი სად არის, ეს მე არ ვიცი. ეს იყო სასამართლოს გადასაწყვეტი და სასამართლომ გადაწყვიტა, მაგრამ პოლიტიკაში 48 მილიონის მომპარავის ადგილი რომ არ უნდა იყოს, ეს, მე მგონი, თითოეული მოქალაქისთვის უნდა იყოს ნათელი

ქართული ოცნების დეპუტატმა, ირაკლი კობახიძემ, ამის შესახებ იმედის ეთერში ისაუბრა. ევროპარლამენტარმა ნაჩო სანჩეს ამორმა თქვა, რომ უგულავა, როგორც საკვანძო ფიგურა, მოლაპარაკებების მაგიდასთან უნდა იჯდეს და არა - ციხეში. ნაჩო სანჩეს ამორი ევროპარლამენტში სოციალისტებისა და დემოკრატების ჯგუფს წარმოადგენს, რომლის წევრი ქართული ოცნებაცაა.
მოკლე ბმული:

ახალი ვიდეო მეტი ვიდეო

შსს: დავაკავეთ 6 პირი, რომლებმაც საქმის გასარჩევად "კანონიერ ქურდს", ბურდღუნიჩას მიმართეს - VIDEO

კომენტარები