მოსალოდნელზე უკეთესად მიდის შიდა ტურიზმით დატვირთვა, იმიტომ, რომ ადამიანები არა მხოლოდ შეზღუდული რაოდენობით შემოვლენ, არამედ, შეზღუდული რაოდენობით გავლენ კიდევაც.
ბევრი იჩენს კეთილგონიერებას, სიფრთხილეს და, რა თქმა უნდა, ამ ორკვირიანი კარანტინის მოთხოვნაც პასუხისმგებლობა არის და ამიტომ, როცა ადამიანი ამაზე ფიქრობს, ალბათ, ურჩევნია, რომ ჩვენი, საქართველოს ღირსშესანიშნაობები მოინახულოს და არაჩვეულებრივი კურორტები აღმოაჩინოს.
არიან ადამიანები ჩვენშიც, ვინც წლები არ ისვენებდნენ საქართველოში. მე მინდა, ყველას მოვუწოდო, რომ ვისარგებლოთ წელს ამით ...
ძალიან დიდი მობილობა იყო ჩვენგანაც ზაფხულის პერიოდში, ეს ადამიანები თუ დარჩებიან და ამ რესურს მოახმარენ ადგილობრივ ტურისტულ ინდუსტრიას, მერწმუნეთ, მცირე არ არის.
ყველას მოვუწოდებთ, ეს სეზონი გამოიყენონ იმისთვის, რომ ადგილობრივ ტურიზმს დაუდგნენ გვერდით და თვითონაც შესანიშნავად დაისვენონ