ისიც უნდა გვესმოდეს, რა გახდა ამ შემთხვევების [მატების] მიზეზი, ყველამ ძალიან კარგად ვნახეთ ის აქტივობა, რომელიც იყო საარჩევნო პროცესში, ისევე როგორც საარჩევნო პროცესის შემდგომი აქტივობა, მე არ ვგულისხმობ არჩევნების დღეს, ვგულისხმობ იმ უპასუხისმგებლო პოლიტიკურ კამპანიებს, უპასუხისმგებლო აქციებს, რომლებიც არამარტო არ მოუწოდებდნენ თავიანთ ამომრჩეველს, პირბადე გამოეყენებინათ, პირიქით, ერთგვარი დაუმორჩილებლობის, პროტესტის სახით პირბადის გამოყენებისკენ...
როცა ჩვენ ვსაუბრობთ მობილობის შემცირებაზე და როცა ვხედავთ ასეთ აქციებს, ასეთ აქტივობებს ქუჩებში, განსაკუთრებით იქ, სადაც არავითარი წესების დაცვა არ ხდება, პირიქით, მოწოდებაც კი ხდება, რომ წესების დაცვა არ მოხდეს, რა თქმა უნდა, ეს ყველაფერი არ შეიძლება არ აისახოს ამ რიცხვებში და სწორედ ამ აქციებს უკავშირდება ის დინამიკა, რომელიც გვაქვს...
