საქართველო-დაღესტნის საზღვართან მიმდინარე ოპერაციის შესახებ შსს-მ განცხადება ცოტა ხნის წინ გაავრცელა. მიმდინარე ამბების შესახებ იმავე განცხადებას თავდაცვის სამინისტროც ავრცელებს.
თავდაცვის სამინისტროს ცნობით, ხეობაში ანტიტერორისტული ოპერაცია გრძელდება. შეიქმნა უწყებათაშორისი კოორდინირებული მოქმედების გეგმა, რომელსაც შინაგან საქმეთა სამინისტრო ახორციელებს.
,, პრემიერ-მინისტრის ხელმძღვანელობით შექმნილია კრიზისების მართვის შტაბი, რომელშიც შედის შინაგან საქმეთა, იუსტიციის და თავდაცვის სამინისტროები.’’-ნათქვამია განცხადებაში.
შეგახსენებთ, რომ საქართველო-რუსეთის საზღვართან, დაღესტნის მონაკვეთთან, საქართველოს ტერიტორიაზე, აღმოჩენილია შეიარაღებული ჯგუფი და ამ დრომდე მიმდინარეობს აღნიშნული ჯგუფის დევნის ოპერაცია.