ვერბატიმი

  • მე მიმაჩნია, რომ სააკაშვილის პერსონა იყო, არის და როგორც ჩანს, კარგა ხანს იქნება გადამწყვეტი ფიგურა საქართველოში და აგერ, უახლოეს პერიოდში იხილავთ, აღმოსავლეთ ევროპაშიც. 

    სააკაშვილი იქიდან თავის მოსაზრებებს რომ გამოთქვამს, ემოციებს და განსხვავებულ აზრს, ის ადამიანია და ამ ქვეყნის მოქალაქეა, მიუხედავად იმისა, პასპორტს წაართმევ თუ არა. სააკაშვილის გარეშე 8 წლის განმავლობაში მე-7 არჩევნები წავაგეთ ოპოზიციამ...

    ამის შესახებ ენმ-ძალა ერთობაშიას წევრმა გუბაზ სანიკიძემ თქვა ტელეკომპანია ფორმულას ეთერში.
    სანიკიძე: სააკაშვილის გარეშე 8 წელში მე-7 არჩევნები წავაგეთ, როგორც ჩანს, გადამწყვეტი ფიგურაა
  • ჩემი აზრით, ძალიან უსამართლოდ მხვდება ტალახი. მე კი უსამართლობა არ მევასება. მე რო მექცევიან უსამართლოდ, მითუმეტეს. ჩემი ძველი მეგობრები რო მექცევიან უსამართლოდ, კიდევ უფრო არ მევასება.

    იმიტომ კი არა, რომ ოდესმე იმ პოზიციას დავთმობ რაც სწორი მგონია.

    ჰო და სწორი მგონია, დავიცვა ერთი ადამიანი, თუ მას უსამართლოდ სჯიან.

    ამას გავაკეთებ, თუნდაც მთელი სამყარო შეითქვას ჩემ წინააღმდეგ.

    მე ამ საქმეში ვარ 100% მართალი და ეს მერამდენე შემთხვევაა, რაც ტყუილი დამაბრალეს და ტალახი მესროლეს.

    ახლა ეს ძალიან მაწუხებს და მინდა, საჯაროდ შევთავაზო ნებისმიერ ადამიანს ცივილური დისკუსია.

    რატომ მესვრით ტალახს?

    ვთხოვ, მედია საშუალებებსაც მომცენ საშუალება პასუხი გავცე ნიაღვარს, რაც სრულიად უსამართლოდ წამოვიდა ჩემ მიმართ და რომელსაც აქვს კამპანიური შინაარსი.

    სინამდვილეში, ძალიან მარტივად არის საქმე, მე მჯერა, რომ არ შეიძლება ადამიანის ციხეში ჩასმა მიუხედავად იმისა, თუ რა ნახა და სხვას მოუყვა ამის შესახებ.
    მე ამის მართლა მჯერა.

    ჩემთვის ეს ტალახის კამპანია შანსია, საზოგადოებას ავუხსნა, როგორ ვუყურებ ადამიანს და მის თავისუფლებას.

    ესეთია ადამიანის თავისუფლების ჩემეული გაგება.

    ამის გამო მეძახიან პედოფილიის მხარდამჭერს და ადამიანურად გთხოვთ, მომცეთ საშუალება პასუხი გავცე უნამუსო ცილისმწამებლებს.

    კარგი იქნება დისკუსია ამ თემაზე, საჯარო საუბარი და აზრთა გაცვლა გამოცვლა, მე მზად ვარ ყველა დისკუსიაში მივიღო მონაწილეობა და თუ დამარწმუნებენ რო შევცდი, ბოდიში მოვიხადო.

    თვალებში მინდა ჩავხედო იმ ხალხს, ვინც პედოფილიის მხარდამჭერს მეძახის.

    ყველა მედიას ვერ ვტაგავ, მაგრამ ყველგან თანახმა ვარ ცივილურ დისკუსიაზე.

    დიდი მადლობა წინასწარ.

    იაგო ხვიჩიას მწვავე კრიტიკა მისსავე განცხადებას მოჰყვა, ის შს სამინისტროს მიერ იმ პირის დაკავებას გამოეხმაურა, რომელსაც ბრალად ედება წინასწარი შეცნობით არასრულწლოვნის გამოსახულების შემცველი პორნოგრაფიის შეძენა, შენახვა, ფლობა და სარგებლობა. "ანუ?" - დაწერა ხვიჩიამ - "პორნო გადმოწერა, დაასეივა,...
    იაგო ხვიჩია: ჩემი აზრით, ძალიან უსამართლოდ მხვდება ტალახი
  • საქართველოს ჯანდაცვის სისტემა ხომ ყველამ ვიცით, რომ ევროპის წამყვანი ქვეყნების ჯანდაცვაზე ბევრად უფრო სუსტია. ახალი შემთხვევების ასეთი კრიტიკულად მაღალი რიცხვის დროს, მოსთხოვო საქართველოსნაირ შეზღუდული რესურსების მქონე ქვეყანას, ყველაფერმა იმუშაოს საათივით გამართულად, არ იყოს შეფერხებები, არ იყოს დაგვიანებითი ტესტირება, სასწრაფოსთან და ოჯახის ექიმთან დაყოვნება, სტაციონარებში ადგილის ლოდინი - შეუძლებელია... 

    ამის შესახებ ინფექციური საავადმყოფოს დირექტორმა თენგიზ ცერცვაძემ Palitranews-ის ეთერში ისაუბრა. ბოლო 24 საათის განმავლობაში საქართველოში კორონავირუსით კიდევ 39 ადამიანი გარდაიცვალა. დადასტურდა 4 033 ახალი შემთხვევა.
    ცერცვაძე: საქართველოსნაირ ქვეყანას მოსთხოვო საათივით გამართულად იმუშაოს, შეუძლებელია
  • მოველოდით ზრდას, ეს გარდაუვალი იყო, ერთი პიკი მაინც ყველა ქვეყანას უნდა ჰქონოდა, მაგრამ თუ ეს პიკი ასეთი მაღალი იქნებოდა, ამას ბოლომდე არ მოველოდით. მოველოდით შედარებით ნაკლებ მატებას. განაპირობა იმან, რომ მოსახლეობამ, რომელიც დასაწყისში სამაგალითო არა, მაგრამ კარგ სამოქალაქო პასუხისმგებლობას იჩენდა, ნაადრევად ირწმუნა, თითქოს კოვიდმა არა დროებით, არამედ სამუდამოდ ჩაგვიარა გვერდი და სამწუხაროდ, მინიმალურადაც არ სრულდებოდა ის რეგულაციები, რომელიც კრიტიკულია რაოდენობის ზრდის შემცირებისათვის...

    ამის შესახებ ინფექციური საავადმყოფოს დირექტორმა თენგიზ ცერცვაძემ Palitranews-ის ეთერში ისაუბრა. ბოლო 24 საათის განმავლობაში საქართველოში კორონავირუსით კიდევ 39 ადამიანი გარდაიცვალა. დადასტურდა 4 033 ახალი შემთხვევა.
    ცერცვაძე: პიკი თუ ასეთი მაღალი იქნებოდა, ბოლომდე არ მოველოდით
  • ძალიან ვწუხვარ; ეს არის ადამიანი, რომელსაც კარგად ვიცნობდი და რომელიც ჩემთვის განსაკუთრებული წესიერებისა და პატიოსნების მქონე პიროვნებას წარმოადგენდა, რაც პოლიტიკაში არც ისე ხშირია.

    ვუსამძიმრებ ქართულ საზოგადოებას, მეგობრებსა და ოჯახის წევრებსაც და ვიზიარებ ამ დიდ ტკივილს...

    წერს საქართველოს პრეზიდენტი სალომე ზურაბიშვილი Facebook-ზე. პარლამენტის ოთხი მოწვევის დეპუტატი კობა დავითაშვილი დღეს, 2 დეკემბერს გარდაიცვალა.
    ზურაბიშვილი დავითაშვილზე: ვწუხვარ, განსაკუთრებული წესიერების მქონე პიროვნება იყო
  • მე იმდენად დაკავებული ვარ, 100-მდე კლინიკა მუდმივად ონლაინ ან სატელეფონო კავშირშია ჩვენთან, მუდმივად გვთხოვენ რჩევებს, რომ ამისთვის დრო არ მრჩება, მაგრამ ალბათ არის ასეთი, ალბათ.

    თქვენ რა გგონიათ, მსოფლიოში არ არის ეს ფენომენი? ყველგან არის, მაგრამ რაც უფრო ცივილიზებული სახელმწიფოა, რაც უფრო კანონმორჩილი და დიდი ტრადიციები აქვთ დემოკრატიის, იქ ნაკლებია, თორემ ყველგან არის, პროტექციონიზმი რა ამერიკაში არაა, გგონიათ? – ყველგანაა...

     

    ასე პასუხობს პალიტრანიუსის ეთერში ინფექციური საავადმყოფოს დირექტორი თენგიზ ცერცვაძე კითხვას, შეესაბამება თუ არა სიმართლეს, რომ კლინიკებში მხოლოდ პრივილეგირებული პირები ხვდებიან და ამისთვის ნაცნობობაა საჭირო.
    ცერცვაძე: პროტექციონიზმი ალბათ არის, თქვენ რა გგონიათ, მსოფლიოში არ არის ეს ფენომენი?
  • სერიოზული შეცდომები, რომლებსაც ჩვენი ოპონენტები წამდაუწუმ გვსაყვედურობენ, აი, ასეთი სისტემური შეცდომები დაშვებული არ ყოფილა. მიმაჩნია, რომ ქვეყნის სახელისუფლებო ვერტიკალი, ჯანდაცვის სისტემა და მითუმეტეს, ექიმები ყველა ეტაპზე პანდემიას ადეკვატურად და გაგიკვირდებათ დღევანდელ დღეს, მაგრამ ეფექტიანადაც მართავდნენ. რაც შეეხება სკულპუოზურად, იყო თუ არა შეცდომები, უშეცდომო პროცესი არ არსებობს, მგონია, არც ქვეყანა, არც სტრუქტურა, არც მთავრობა არ არსებობს, რომ რაღაც შეცდომები არ დაეშვა. ალბათ, ასეთი იყო. მაგრამ იმას, რომ სისტემამ არ გაითვალისწინა საფრთხე, არ მოემზადა კოლაფსისთვის, აი, ამას ვერ დავეთანხმები...

    ამბობს ინფექციური საავადმყოფოს დირექტორი თენგიზ ცერცვაძე პალიტრანიუსის ეთერში.
    ცერცვაძე: არ დავეთანხმები, რომ სისტემამ არ გაითვალისწინა საფრთხე, არ მოემზადა კოლაფსისთვის
  • ეპისკოპოსის და iPhonis-ის თემაზე უნდა გითხრათ ორი სიტყვა (სირცხვილიც კია, რაზე გვიწევს ლაპარაკი)

    პავლე მოციქული ვინ არის, ყველას გაგიგიათ. ახალი აღთქმის 27 წიგნიდან ნახევარზე მეტი, ანუ 14 წიგნი მას ეკუთვნის, იმდენად დიდი და მნიშვნელოვანი მოციქული და მასწავლებელია ჩვენი რწმენისა.

    ებრაელთა მიმართ მისი ეპისტოლე სიდიდით მესამეა მის წიგნებში, 13 თავია. მასში პავლე ქრისტეს მორწმუნე ებრაელებს უხსნის, თუ რამდენად აღმატებულია იესო ქრისტე და მისი ახალი რჯული მოსეს რჯულზე და ძველი აღთქმის მამამთავრებზე. საინტერესო ამ ეპისტოლეში, ისაა, რომ პავლე საკუთარ თავს, ანუ ავტორს არ ახსენებს, არ კადნიერდება საკუთარ თავს მოციქული უწოდოს, რადგან იესო ქრისტეზე ლაპარაკობს და ყველაფერი ჩრდილში ინაცვლებს მის წინაშე. პავლეს მოციქულობა ხსენების ღირსიც არაა, რადგან ქრისტეა ჩვენი მოციქულიც და მღვდელმთავარიც: "... დაუკვირდით მოციქულსა და მღვდელმთავარს ჩვენი აღსარებისას, ქრისტე იესოს..." (ებრ. 3,1) - წერს იგი. გესმით? პავლე, როცა ქრისტეზე ლაპარაკობს, არათუ პირად სურვილებს, საკუთარ მოციქულობასაც კი არ ახსენებს.

    ასევე ვიცით, რომ პავლე ხელობით მეკარვე იყო და კარვების ქსოვით ირჩენდა თავს. არსად, არცერთ წერილში არ ახსენებს არც თავის საერო პროფესიასთან დაკავშირებულ ინტერესებს, არც კარვებს, არც ნემსებს და არც სხვა ხელსაწყოებს. რა საქმე აქვს ამ ყველაფერს ქრისტესთან და მისი წმინდა მოძღვრების ქადაგებასთან?

    ისიც ვიცით, რომ თვალები აწუხებდა პავლეს, თვითონ წერა უჭირდა და მის ახალგაზრდა მოწაფეს, ტერციუსს ან ტიმოთეს (რომ. 16,22) ჰკარნახობდა ხოლმე ამა თუ იმ ეკლესიის მიმართ წერილს. გალატელებს როცა სწერდა, დამხმარე გვერდით არ ჰყავდა, მაგრამ იმდენად საჩქარო იყო გალატიის ეკლესიის სულიერი პრობლემა (გადაუხვიეს ქრისტეს რჯულს), რომ დაჯდა და იმ სნეული თვალებით, თავის ხელით დაწერა წერილი გალატელებისთვის. ეს წერილი დიდი არაა სხვებთან შედარებით, სულ 6 თავია (რომაელთა 16 თავია, კორინთელთა 15 და ა.შ.), მაგრამ ეტყობა, იმდენად გაუჭირდა წერა, რომ ბოლოს ამბობს: "ხედავთ, რამხელა წერილი მოგწერეთ ჩემი ხელით" (გალ. 6,11).

    ეს უბრალოდ ასეა, სხვაგვარად ვერ იქნება. არ მართლდება საერო საქმეების სიყვარული სასულიერო პირისგან და უხერხული ღიმილით ნათქვამით: "მღვდელიც ადამიანია". ვერავინ ვერასდროს გაამართლებს ამ ვნებებს. თუ სასულიერო პირები ქრისტიანობის ქადაგების მაგივრად, შევუდგებით პოეტობას და ეგზალტირებულ ლექსაობას, საერო სიმღერებს, მოდურად კოხტაობას და საკუთარი ფოტოებით კეკლუცს, თუ ავტომობილების, ტელეფონების თუ სხვა მატერიალური ნივთების, ტექნიკური სიახლეების თუ ფუფუნების საგნების სიყვარული შეგვიპყრობს და უფრო უარესი: რომც გვძლიოს და დაგვიმონოს ამ ვნებებმა, თუ ისე დავბრმავდებით და გავირყვნებით, რომ ამის საჯაროდ გამოჩენას აღარ მოვერიდებით, არასოდეს იქნება ეს მართებული და არ ექნება ამას გამართლება ღმერთის და ხალხის წინაშე. ეს ვნებები არ შეეფერება არც ეპისკოპოსს, არც მღვდელს, არც დიაკვანს და არც პატიოსან ქრისტიანს. ამ ყველაფერს არაფერი აქვს საერთო ქრისტეს მოძღვრების ქადაგებასთან, რისთვისაც, ამ ე რ თ ა დ ე რ თ ი ს თ ვ ი ს მოწოდებულია მღვდელი...

    წერს დეკანოზი თამაზ ლომიძე მიტროპოლიტ ნიკოლოზზე, რომელსაც დაპირებული iPhone 12 დღეს ერთ-ერთმა კომპანიამ გადასცა.
    დეკანოზი თამაზი მეუფე ნიკოლოზზე: საერო საქმეების სიყვარული სასულიერო პირისგან არ მართლდება
  • მე პირადად არ მეგონა, რომ მიუხედავად ყველაფრისა, ამდენ შემთხვევას ჯანდაცვის სისტემა ჯერჯერობით გაუძლებდა. ჯერჯერობით, ხედავთ... კი, ხარვეზები არის, გაგვაკრიტიკეთ, კი, რა თქმა უნდა, ყველაფერში ხარვეზი არის, მაგრამ რომ სისტემა უძლებს ამას და ჩვენი გმირი ექიმები... დიდი მადლობა ეკუთვნის მთელ სამედიცინო საზოგადოებას, საქართველოს სამედიცინო საზოგადოება არის ერთ-ერთი გამორჩეული საზოგადოება.

    ... სისტემა უკეთ არის მზად, მაგრამ იდეალურად ნამდვილად არ ვართ. იდეალურად ვერც ერთი... გაუჭირდა ყველაზე უფრო მწყობრ ჯანდაცვის სისტემებს...

    დაავადებათა კონტროლის ეროვნული ცენტრის დირექტორი ამირან გამყრელიძე.
    გამყრელიძე: არ მეგონა, რომ ამდენ შემთხვევას ჯანდაცვის სისტემა გაუძლებდა, ჯერჯერობით უძლებს
  • მე არ ვარ გულუბრყვილო იდეალისტი, არ ვარ წინდაუხედავი მემარცხენე, არ ვარ მდიდარი ადამიანის მტერი, მაგრამ ზედმიწევნით ზუსტად ვიცი, რას ასწავლის ქრისტიანთა ღმერთი, ზუსტად ვიცი, რომ ქრისტიანი იესო ქრისტეს სიტყვის, მისი სახარების მიხედვით უნდა ცხოვრობდეს,  სხვანაირად ის ქრისტიანი ვერ იქნება.

    ჩვენი, ქრისტიანების, მთელი მრევლისა თუ იერარქიის უპირველესი მოვალეობაა, დავეხმაროთ მეორე ადამიანს, სიღარიბით, შიმშილით, ავადმყოფობით, ძალადობით, დანაშაულით, უცხოობით გატანჯულ ნებისმიერ ადამიანს ამოვუდგეთ მხარში - სხვაზე ზრუნვა არის ჩვენი ერთადერთი წმინდა საქმე, ერთადერთი ფორმა ქრისტეს მსახურებისა.

    სიტყვასიტყვით ასე, შეულამაზებლად, პირდაპირ გვეუბნება ამას იესო ქრისტე.

    ამიტომ, მე ზუსტად ვიცი, რომ ეკლესიას, პატრიარქს, მღვდელმთავრებს, მღვდლებს, რიგით ქრისტიანებს არ გვაქვს სიმდიდრით, ფუფუნებით გართობის, ტკბობისა და ამპარტავნების უფლება, ეს არის უმძიმესი ცოდვა ღმრთისა და მეორე ადამიანის წინაშე!

    ზუსტად ვიცი, რომ ნიკოლოზ ფაჩუაშვილს არ აქვს უფლება საჩუქრად მიიღოს ტელეფონი, რომლის ფასით, მთელი ერთი თვის განმავლობაში, შეიძლება 5 მშიერი ოჯახის დაპურება - გამაოგნებელი უღმერთობაა ის, რაც ამ მღდელმთავრისგან მოვისმინე!

    მაგრამ ნიკოლოზ ფაჩუაშვილი მხოლოდ სარკეა დიდი, ყოვლისმომცველი უღმერთობისა, რომლითაც ეკლესიაა შეპყრობილი.

    საპატრიარქო თავისი ამ დაუფარავი სითავხედით, ამ ფუფუნებით, გულქვობით, თავისი გაუმაძღრობით, რაღაცნაირი, ინფანტილური წუწკობით ღარიბი, ყველაფრით გატანჯული ქვეყნის ამ ბოღმიანი დაცინვით, გვიცხადებს, რომ ოდნავადაც არ ანაღვლებს არც ადამიანი, არც იესო ქრისტე; გვეუბნება, რომ არ სწამს ღმერთი, არ ჯერა მისი!

    ჩვენ, ქრისტიანებს არა გვაქვს არავითარი უფლება გულგრილად ჩავუაროთ ადამიანის ტაჯვასა და უბედურებას - ქრისტეს მცნებით გვაქვს ეს აკრძალული. ზუსტად ვიცი, რომ შეუძლებელია მორწმუნეს მშვიდი ძილით ეძინოს, როცა ვინმეს შია, როცა ამდენი უსამსახუროდ დარჩენილი, ულუკმაპურო, უმწეო ადამიანის ხმა გესმის...

    თეოლოგი ბექა მინდიაშვილი Facebook-ზე წერს.
    მინდიაშვილი: საპატრიარქო სითავხედით გვიცხადებს, რომ არ ანაღვლებს არც ადამიანი, არც იესო
  • არ შემიძლია, ეს ფაქტი დავტოვო გამოხმაურების გარეშე. მაშინ, როდესაც ქვეყანაში არის ასეთი რთული ვითარება და, ალბათ, ყველანი ვხვდებით, რომ ყველაზე რთულ ვითარებაში დღეს იმყოფება ჯანდაცვის სამინისტრო, ჩემს ოჯახზე ხორციელდება გარკვეული წნეხი და ძალადობა გარკვეული ჟურნალისტების მხრიდან. ვთვლი, რომ ნამდვილად არასწორია.  

    მე ვიაზრებ იმას, რომ მე ვარ საჯარო პირი და, შესაბამისად, ჩემს მიმართ დასმული ნებისმიერი კითხვა, რა თქმა უნდა, უნდა იქნეს პასუხგაცემული. მაგრამ მაშინ, როდესაც ეს ეხება ჩემს ოჯახის წევრებს და ჩემს შვილებს, ვთვლი, რომ ეს არის დასაგმობი და დაუშვებელი. 

    ასევე, მნიშვნელოვანია, რომ დღესაც მიმდინარეობს ეს ზეწოლა ჩემს ოჯახზე და დღეს ჩემს ოჯახს აქვს საკმაოდ რთული დღე, ვინაიდან გარდაცვლილი არის ჩემი ერთ-ერთი ოჯახის წევრი და მიუხედავად ამისა, ჟურნალისტები არ ერიდებიან ოჯახის ამ მდგომარეობას და კვლავ აგრძელებენ მორალურ ზეწოლას ჩემს ოჯახზე. 

    არ ვეხმაურები არცერთ სიუჟეტს, რომელიც გავრცელდა, ვინაიდან პატივს ვცემ ჟურნალისტების სიტყვის თავისუფლებას და საჭიროების შემთხვევაში, რა თქმა უნდა, ყველა კითხვას გაეცემა შესაბამისი პასუხი, მაგრამ ის, რაც დღესდღეობით მიმდინარეობს, ეს ნამდვილად არის დასაგმობი საზოგადოებისგან და დარწმუნებული ვარ, საზოგადოება ამას შესაბამის პასუხს გასცემს...

    თქვა ჯანდაცვის მინისტრმა, ეკატერინე ტიკარაძემ საკოორდინაციო საბჭოს სხდომის შემდეგ.
    ტიკარაძე: ჩემს ოჯახზე ხორციელდება წნეხი და ძალადობა გარკვეული ჟურნალისტების მხრიდან
  • საპარლამენტო არჩევნები დასრულდა და საარჩევნო კანონმდებლობის მიხედვით, საარჩევნო სუბიექტებმა არჩევნების საბოლოო შედეგების ოფიციალურად გამოქვეყნებიდან 15 დღის ვადაში უნდა უზრუნველყონ სააგიტაციო მასალის ჩამოხსნა. ეს არის პლაკატები და სააგიტაციო მასალები. მე მინდა, მოვუწოდო და ვთხოვო ყველა პოლიტიკურ პარტიას, რომ მაქსიმალურად ყველაფერი გავაკეთოთ იმისთვის, რომ ეს სააგიტაციო მასალები ჩამოხსნილი იყოს და მოვაწესრიგოთ ყველაფერი ქალაქში. 

    ძალიან მნიშვნელოვანია, რომ არ დავტოვოთ ეს მასალები გაკრული კედლებზე, ღობეებზე, იმიტომ, რომ ვიზუალურად სერიოზულ პრობლემას წარმოადგენს ქალაქისთვის. მე ძალიან დიდი იმედი მაქვს იმის, რომ ყველა პოლიტიკური პარტია მიიღებს სწორ გადაწყვეტილებას და იმოქმედებს ისე, რომ ეს პლაკატები ჩამოვხსნათ. წინააღმდეგ შემთხვევაში, საჯარიმო სანქცია იქნება 1 000 ლარის ოდენობით. მინდა, მუნიციპალურ ინსპექციას დავავალო, რომ ყურადღებით იყოს. ხაზი მინდა გავუსვა, რომ არავის არ აქვს სურვილი, დავაჯარიმოთ ვიღაცები...

    ამბობს თბილისის მერი კახა კალაძე დედაქალაქის მთავრობის სხდომაზე.
    კალაძე: პარტიებს ვთხოვ, სააგიტაციო მასალა ჩამოხსნან – არ გვაქვს სურვილი, დავაჯარიმოთ
  • შეზღუდვები, რომლებიც არის დაწესებული და, ზოგადად, იმისთვის, რომ გავუფრთხილდეთ ერთმანეთის ჯანმრთელობის უსაფრთხოებას, გავუფრთხილდეთ ერთმანეთის სიცოცხლეს, გადაწყვეტილება მივიღეთ, რომ წელს საახალწლო სოფელი ვერ გაკეთდება. იმიტომ, რომ ეს ფაქტობრივად ქმნის მიზიდულობის ცენტრს და ძალიან დიდი საფრთხე იყო იმისი, რომ ბევრი ადამიანი მივიდოდა ბავშვებით, ბებიებით, ბაბუებით. რა თქმა უნდა, გაჭირდებოდა კონტროლი და უხერხული იქნებოდა, მოსული ადამიანისთვის გეთქვა, რომ აი, თქვენ არ შეხვიდეთ, იმიტომ, რომ ბევრი ხალხია. 

    თუმცა, ასევე მინდა, ერთი რაღაც ვთქვა, რომ ჩვენ, დაახლოებით, 700-800 ათასი ლარი გვიჯდებოდა საახალწლო სოფლის გაკეთება. ეს თანხები, რაც უნდა დახარჯულიყო საახალწლო სოფლის მოწყობაში, მიმართული იქნება სარეზერვო ფონდში და დავეხმარებით იმ ოჯახებს, ადამიანებს, ვისაც ყველაზე მეტად სჭირდება ჩვენი თანადგომა. ეს იქნება საკვები პროდუქტებით უზრუნველყოფა წინასაახალწლო დღეებში და ამისთვის პლატფორმა შექმნილი გვაქვს...

    თქვა თბილისის მერმა კახა კალაძემ დედაქალაქის მთავრობის სხდომაზე.
    კალაძე: წელს საახალწლო სოფელი ვერ გაკეთდება – მიზიდულობის ცენტრს ქმნის
  • ნიკა გვარამიას ხელახლა ჩაუნიშნეს პროცესი, ელჩებთან მიღწეული ხელშეკრულების პირდაპირი დარღვევით. გიგი უგულავას უჭერენ ნათესავებს, ნიკა მელიას დაუნიშნეს ახალი სასამართლო.
    ეს არის მთელი კამპანია - "შედი ქალო ბუტკაში"! ბუტკა ამ შემთხვევაში არის ის პარლამენტი, რომელიც ივანიშვილმა ქართველი ერის ინტერესების საწინააღმდეგოდ დააბრუნა ქუთაისიდან რუსთაველზე. და აბა "ქალი"..?

    წერს საქართველოს მესამე პრეზიდენტი, მიხეილ სააკაშვილი. დღეს ცნობილი გახდა, რომ ნიკა გვარამიას, გიგი უგულავას და ნიკა მელიას საქმეები და მათი პროცესები სასამართლოში კვლავ ჩაინიშნა.
    სააკაშვილი: ივანიშვილის კამპანიაა "შედი ქალო ბუტკაში", "ბუტკა" კი პარლამენტია
  • თუ მოხდა თაროზე შემოდებული საქმეების გადმოღება, ჩვენ ამისთვის მზად ვართ, ეს კიდევ ერთი დარტყმა იქნება ქვეყნისთვის, კრიზისის კიდევ გაღრმავების მცდელობა, დასავლეთისთვის კიდევ ერთხელ ჩვენება, რომ ამ ქვეყანაში პოლიტიკური დევნა არ დამთავრებულა – ამის ჩვენება იქნება ეს. სამწუხაროდ, დღევანდელ ვითარებაში ყველაფრისთვის უნდა იყო მზად. ჩვენ დღეს ისეთ ქვეყანაში ვართ, რომ ყველაფერი მოსალოდნელია და ყველაფერი შესაძლებელია...

    ამბობს ლელოს ლიდერი, ბადრი ჯაფარიძე რუსთავი 2-ის ეთერში. დღეს ცნობილი გახდა, რომ ნიკა გვარამიას, გიგი უგულავას და ნიკა მელიას საქმეები და მათი პროცესები სასამართლოში კვლავ ჩაინიშნა.
    ჯაფარიძე: სამწუხაროდ, დღევანდელ ვითარებაში ყველაფრისთვის უნდა იყო მზად
  • როდესაც ერთზე იყო საუბარი შეგვეძლო, გვეფიქრა, რომ მოსამართლეს მოენატრა პროცესი, ორი უკვე დაგაეჭვებს, მაგრამ სამი უკვე ტენდენციას ანახებს, როგორც ივანიშვილს უყვარს თქმა - ტრენდს ანახებს. ფაქტია, რომ ეს შემთხვევით არ მოხდებოდა. პირდაპირ ჩემი არა, მაგრამ ჩემს საქმესთან დაკავშირებული საქმეა, რომელიც შეგიძლიათ ჩათვალოთ, რომ პირდაპირ მე მიკავშირდება, რადგან სამიზნე ამ შემთხვევაშიც მე ვარ. ნიკა გვარამიას და ნიკა მელიას შემთხვევაშიც გასაგებია, რა არის მიზანი. ივანიშვილი მოქმედებს, როგორც მახრჩობელა მგუდავი. გუშინწინ რომ გადაყლაპა და მოინელა რუსთავი 2, ეს ხომ არ ნიშნავს, რომ დღეს მას აღარ შია და არ უნდა მთავარი არხი, ხვალ არ მოუნდება ფორმულა, მერე ტვ პირველი. გუშინ რომ ვიღაც დაიჭირა, იმას არ ნიშნავს, რომ ხვალ არ დაიჭერს იმიტომ, რომ ეს არის ამ ადამიანის პოლიტიკური ცხოვრების წესი. ის შეეჩვია ასე არსებობას და მას ეს გასდის. გამოსავალი არის ერთიანობა, სიმტკიცე, როდესაც თვლი და გჯერა, რომ ხარ მართალი და უკან არ იხევ.

    ვინც არ უნდა დაიჭირონ, ჩვენი ციხიდან გამოშვება არ უნდა იყოს სავაჭრო საგანი. არ გაიცვლება რიგგარეშე არჩევნებში ჩემი ციხიდან გამოშვება, პირდაპირ მინდა, ჩემს კოლეგებს ვუთხრა, თუ ეს მოხდა.

    ცივილიზებული სამყარო შეთანხმდა, რომ ასეთ მეთოდზე არ უნდა წაყვე. როგორც ტერორისტს არ უნდა დაუკმაყოფილო მოთხოვნა, იმიტომ რომ ეს ახალ ტერორისტულ აქტს წაახალისებს, ზუსტად ასევე არ უნდა წაახალისო ივანიშვილი, იმიტომ რომ მერე ნებისმიერს დაიჭერს და დაგიწყებს ვაჭრობას...

    პარტია ევროპული საქართველოს ერთ-ერთმა ლიდერმა გიგი უგულავამ ტელეკომპანია მთავარის ეთერში მის წინააღმდეგ აღძრულ საქმესთან დაკავშირებულ საქმეზე პროცესი 10 დეკემბერს ჩანიშნა. საქმე ერთიანი ნაციონალური მოძრაობის დაფინანსებას ეხება. 7 დეკემბერს ჩანიშნულია მთავარი არხის გენერალური დირექტორის, ნიკა...
    უგულავა: ვინც არ უნდა დაიჭირონ, ჩვენი ციხიდან გამოშვება რიგგარეშე არჩევნებში არ გაიცვლება
  • ჩვენი მთავარი მოთხოვნა ვადამდელი, ხელახალი არჩევნებია. ნებისმიერი სახით ახლა ჩვენ რომ დავთანხმდეთ, ამას მოგცემთ და შემოდით პარლამენტშიო, ეს ნიშნავს, რომ გარკვეულწილად ლეგიტიმაციას ვაძლევთ ამ პარლამენტს...

    ჩვენთვის მთავარი ამოსავალი წერტილი ახალი არჩევნებია, რომ ამომრჩევლის ნება იყოს გამოხატული. ოპოზიციის საერთო მოთხოვნები იმიტომ იწყება ახალი არჩევნებით, გრძელდება საარჩევნო ადმინისტრაციის შეცვლით და მთავრდება პოლიტპატიმრებით...

    ამბობს ერთიანი ნაციონალური მოძრაობის წევრი, ზაალ უდუმაშვილი რუსთავი 2-ის ეთერში.
    უდუმაშვილი: ჩვენი მთავარი მოთხოვნა ხელახალი არჩევნებია
  • ფუნდამენტური საკითხების გარშემო არანაირი აზრთა სხვადასხვაობა არაა, რაც არის ძალიან მნიშვნელოვანი, რადგან თითოეული ოპოზიციური პარტია, ეს იქნება ის პარტია, რომელიც ბიძინა ივანიშვილმა ჩათვალა და გადაალახინა ბარიერი, თუ ჩათვალა და არ გადაალახინა, ვართ ერთ პოზიციაზე, რომ ამ ქვეყანაში არჩევნები არ ჩატარებულა...

    ამბობს ერთიანი ნაციონალური მოძრაობის ლიდერი, ნიკა მელია "ლელოს" ოფისში ოპიზიციის მორიგი შეხვედრის დასრულებისას.
    მელია: ყველა ოპოზიციური პარტია ვართ ერთ აზრზე, რომ ქვეყანაში არჩევნები არ ჩატარებულა
  • ჩემი ეპარქია იწყება 1700 მეტრიდან და უფრო მაღლა, მე მყავს ერთი-ერთი საუკეთესო მანქანა, ჯიპი არ არის, ეს არის ლენდკრუიზერი 105, რომელიც კიდე უფრო ავაწევინე და მე რომ ეს მანქანა არ მყავდეს, ეპარქიაში გადაადგილების საშუალება არ მექნებოდა. მჭირდება მე ეს მანქანა და იცით, როგორი გაცვეთილია უკვე? იმიტომ რომ ძალიან ბევრს დავდივარ...

    მეუფე ნიკოლოზმა ამის შესახებ რუსთავი 2-ის ეთერში ისაუბრა.
    მეუფე ნიკოლოზი: ერთ-ერთი საუკეთესო მანქანა მყავს, ეპარქიაში გადაადგილებისთვის მჭირდება
  • ნუ ვიქნებით ილუზიაში, ქართული ოცნება შეთანხმებებს არ შეასრულებს. სამწუხაროდ, ჩვენ ბევრჯერ ვნახეთ დაპირებები და მერე მწარე ტყუილში გადათარგმნილი ის დაპირებები. ანუ, ეს ნიშნავს, რომ მათ არანაირი პასუხისმგებლობა არ გააჩნიათ, არათუ სახელმწიფოსა და მოსახლეობის მიმართ, არამედ საკუთარი თავის მიმართაც. მათ შეუძლიათ, დღეს მოიტყუონ, ხვალ საწინააღმდეგო თქვან. ამიტომ, ილუზიებში ნუ ვიქნებით, რომ რაიმე შეიცვლება, მე ვფიქრობ, შეიცვლება ერთადერთი გარემოების გამო, თუ ყველა ერთად დავიცავთ ჩვენს ყველაზე მნიშვნელოვან უფლებას, იმას, რაც წაგვართვეს, ეს არის გაყალბებული არჩევნები, ეს არის უსამართლობა, ეს არის ჯიბის პროკურატურა, ეს არის ჯიბის სასამართლო, რომელიც ივანიშვილმა ჩაიჯიბა. სამწუხარო ფაქტია, რომ ქართულ ოცნებაში შემავალი ადამიანები არიან მძევლები პრაქტიკულად, იმიტომ რომ ისინი ხო თავისუფლად, მათი ლიდერის საწინააღმდეგო აზრს ვერ აფიქსირებენ. ეს არის უბედურება დღევანდელი ყოფის, რომ ერთი ადამიანის გადაწყვეტილებით ხდება საკითხების შექმნა...

    ამის შესახებ ლელო საქართველოსთვის ლიდერმა, მამუკა ხაზარაძემ, ტელეკომპანია მთავარის ეთერში ისაუბრა.
    ხაზარაძე: ცვლილება მოხდება, თუ ყველა ერთად დავიცავთ ჩვენს ყველაზე მნიშვნელოვან უფლებას
  • იმაზე კი არაა ლაპარაკი, გადაგედება ვირუსი თუ არა, შეიძლება გადაგედოს თუ არა. აქ ფანატიზმზე კი არაა ლაპარაკი, პრიორიტეტებზეა ლაპარაკი. ჩემთვის ეს არის სისხლის [ზიარების ღვინო] და თუნდაც რომ გადამედოს აქედან, მე მირჩევნია გადამედოს, ოღონდ არ შევცვალო ჩემი სარწმუნოებრივი დამოკიდებულება. ამაზე, პრიორიტეტებზეა ლაპარაკი...

    ამბობს მეუფე ნიკოლოზი რუსთავი 2-ის ეთერში კორონავირუსის ეპიდემიის პარალელურად ზიარებისას საერთო კოვზის გამოყენებაზე.
    მეუფე ნიკოლოზი ერთი კოვზიდან ზიარებაზე: რწმენის შეცვლას ვირუსის გადადება მირჩევნია
  • მაშ ასე, რეპრესიების ახალი ტალღა დაიწყო. საქალაქო სასამართლოდან დამირეკეს, 7 დეკემბერს თქვენი პროცესები განახლდებაო, ეტყობა ძაან საშურია კორონა პანდემიის პიკში და თან წინასაახალწლოდ ჩემი დაჭერა და ნეიტრალიზაცია. ან სავაჭრო თემად გამოიყენებენ მოლაპარაკებების დროს, სადაც ტყვეებით ვაჭრობა ეტყობა მოსულა, თან დიპლომატიური დაკვირვების პირობებში.

    ღიად ვაცხადებ, რომ არც ერთ მოლაპარაკებაში არ ვსაჭიროებ ჩემი საკითხის გამო ოცნების ტყვეებით მოვაჭრე ტერორისტულ რეჟიმთან რაიმე დათმობაზე წასვლას. გმადლობთ, მირჩევნია ჩემი ციხეში წასვლით კიდევ უფრო ჩამოვხადო ნიღაბი ივანიშვილს და კიდევ უფრო დავაჩქარო მისი სანაგვეზე გადაგდება, ვიდრე რაიმე დათმობით მისი უბოროტესი რეჟიმის გახანგრძლივებას შევუწყო ხელი.

    რვა მარტის შეთანხმება ხომ გახსოვთ, აი, ნაწილობრივ პროპორციულთან ერთად ჩემი და სხვა პოლიტმოტივირებული საქმეები რომ გაჩერდა იმავე ელჩების მონაწილეობით, დღესაც რომ მედიატორობენ. ხოდა, როგორ სრულდება, კი ხედავთ. ამიტომ, ოცნებასთან მოლაპარაკებას აზრი არა აქვს, სუფთა პრაგმატულად. იდეალისტურად კი, ელჩებით თუ უელჩოდ, ქართული ოცნება არის ტერორისტი და ტყვეებით მოვაჭრე, და ტერორისტებთან მოლაპარაკება არ შეიძლება.

    ელჩების გამკვირვებია, ტყვეთა ბაზარში რატომ იღებენ მონაწილეობას, რატომ არიან ჩართული პროცესში, სადაც ქართული ოცნება შანტაჟის მიზნით ტყუილად დაკავებული ან დასაკავებელი ადამიანების თავისუფლებით ვაჭრობს? თუ არც ისაა ცხადი, რომ ადამიანები ტყუილად არიან დაჭერილები თუ დასაჭერად გამზადებულები? აქაც ოქმები და დასაბუთებაა საჭირო ფატალურობის დასადგენად? ან, რომელი შეთანხმება იქნა დაცული, სადაც გარანტორებად იგივე ელჩები იდგნენ? რომელი ერთი არ დაარღვია ოცნებამ? თუ ოცნებისგან ქრონიკული გადაგდება მოსულა? უხერხული აღარ, უკვე სირცხვილია...

    წერს მთავარი არხის გენერალური დირექტორი, ნიკა გვარამია.
    გვარამია: რეპრესიების ახალი ტალღა დაიწყო, დამირეკეს, 7 დეკემბერს თქვენი პროცესები განახლდებაო
  • გირჩის მხრიდან პოლიტიკური ბულინგის მსხვერპლი პარტიათა ნაწილი უკვე იყო. თქვენ იცით, რომ პარტიათა ნაწილმა დაფინანსება აიღო, რაც ჩვენთვის იყო არჩევნების შედეგების ირიბი აღიარება. ანუ, ჩვენ ჩვენი კოლეგების ნაწილს ვუყურებთ, როგორც პარლამენტში ნახევრად შესულს. ერთადერთი ალეკო ელისაშვილი გვგონია, რომელიც ჩვენთან ერთად ბოიკოტს ერთგულად იცავს. ამ წუთას ჩვენ ვიცავთ ბოიკოტის იდეას, თორემ ოპოზიციას ფული აღებული აქვს საპარლამენტო არჩევნების შედეგად, განცხადება აქვს დაწერილი. 

    მე ვარ ნამდვილ ბოიკოტზე და ბატონი ელისაშვილის პარტია, თორემ ხალხმა ფული აიღო და ახალ არჩევნებს ითხოვენ, მაშინ, როდესაც ძველი არჩევნებით აქვთ ფული აღებული...

    გირჩის თავმჯდომარე იაგო ხვიჩიამ ამის შესახებ რუსთავი 2-ის ეთერში ისაუბრა. ჟურნალისტმა მას ჰკითხა, "დააბულინგებს თუ არა გირჩი იმ პარტიებს, რომლებიც პარლამენტში შესვლას გადაწყვეტენ"? ოპოზიციური პარტიები 2020 წლის 31 ოქტომბერს ჩატარებული არჩევნების შედეგებს არ აღიარებენ და საპარლამენტო მანდატებზე უარს...
    ხვიჩია: მე ვარ ნამდვილ ბოიკოტზე და ელისაშვილი, სხვებმა ფული აიღეს
  • არავინ არ უნდა დაემორჩილოს ამ რეგულაციებს. იმიტომ, რომ... გასაგებია, რომ კოვიდია გავრცელებული, გასაგებია, რომ ადამიანების გარკვეული ნაწილისთვის ეს ძალიან მაღალი რისკის მატარებელია და ადამიანები კვდებიან ამისგან, მაგრამ სასწორის მეორე პინაზე ასევე დევს ადამიანების სიცოცხლეებიც და ამ ადამიანებმა რა ქნან? ადამიანები შიმშილისთვის არიან განწირულები. ჩვეულებრივად იქითაც ადამიანის სიცოცხლეა და აქეთაც. ამიტომაც, ეს არის ადამიანის ინდივიდუალური პასუხისმგებლობის საკითხი...

    გირჩის ლიდერი ზურა ჯაფარიძე ტელეკომპანია ფორმულას ეთერში. 28 ნოემბრიდან საქართველოში კომენდანტის საათი 22:00 საათის ნაცვლად 21:00 საათზე იწყება. ასევე, დიდ ქალაქებში მუშაობას აჩერებს მუნიციპალური ტრანსპორტი. არ იმუშავებს ღია და დახურული ბაზრობები. რესტორნები და კვების ობიექტები მხოლოდ გატანის...
    ჯაფარიძე: ადამიანები შიმშილისთვის არიან განწირულები, რეგულაციებს არავინ უნდა დაემორჩილოს
  • კიდევ ერთხელ მოხდა უსამართლობა და კიდევ ერთხელ დავრწმუნდი, რომ სასამართლო არ გვაქვს. ამას არ ჰქვია სასამართლო. არ ველოდი ამ გადაწყვეტილებას, მაგრამ ეტყობა ზემოდან არის დავალება ასეთი და როგორც უნდათ, ისე წყვეტენ ყველაფერს. ძალიან ბევრი მტკიცებულება იყო, რომ გამოეშვათ ეს ხალხი და დაპატიმრების საფუძველი საერთოდაც არაა...

    ასე აფასებს საქართველო-აზერბაიჯანის საზღვრის დემარკაცია-დელიმიტაციის კომისიის ყოფილი უფროსის, ივერი მელაშვილის ცოლი , თამარ სულაძე საქალაქო სასამართლოს გადაწყვეტილებას. ივერი მელაშვილი და ნატალია ილიჩოვა 214 თავდების მიუხედავად, მოსამართლემ პატიმრობაში დატოვა.
    მელაშვილის ცოლი: კიდევ ერთხელ დავრწმუნდი, რომ სასამართლო არ გვაქვს, უსამართლობაა
  • კარტოგრაფები არა პოლიტიკური, არამედ სინდისის პატიმრები არიან. არ არსებობს არცერთი ფაქტი, რის გამოც ამ ადამიანებს არათუ დაკავება, არამედ მადლობა ეკუთვნით ჩვენი სახელმწიფოსგან. ერთადერთი მიზეზი, რის გამოც ისინი არიან მძევლებად, ეს არის ბიძინა ივანიშვილის წინასაარჩევნო, პოლიტიკური, ბინძური თამაშები და ახლა პოლიტიკური რეპრესიები...

    თბილისის საქალაქო სასამართლოში საქართველო-აზერბაიჯანის საზღვრის დელიმიტაცია-დემარკაციის ექსპერტთა კომისიის დაკავებული თავმჯდომარისა და წევრის, ივერი მელაშვილისა და ნატალია ილიჩოვას აღკვეთის ღონისძიების გადასინჯვის სხდომა მიმდინარეობს. პარალელურად, სასამართლოს შენობასთან იმართება სამოქალაქო...
    ხოშტარია: კარტოგრაფების მძევლად ყოფნის მიზეზი ივანიშვილის პოლიტიკური რეპრესიებია
  • მესმის, ვიცი, რომ არსებობს გარკვეული ხარვეზები სტაციონარიზაციაში, მაგრამ, საბოლოოდ ვისაც სჭირდება სტაციონარი, ის სტაციონარში თავსდება. ერთ-ერთი დაბალია დღეს ჩვენთან სტაციონარს გარეთ სიკვდილიანობის მაჩვენებელი...

    ამბობს დაავადებათა კონტროლის ეროვნული ცენტრის ხელმძღვანელი, ამირან გამყრელიძე საკოორდინაციო საბჭოს სხდომის დასრულების შემდეგ.
    გამყრელიძე: ვიცი, ხარვეზებია, მაგრამ საბოლოოდ ვისაც სჭირდება, ის სტაციონარში თავსდება
  • დღეს სულყველა და პოლიტიკური პროცესიც უნდა ემორჩილებოდეს პანდემიის მართვას, რადგან სერიოზული პანდემიის წინაშეა მსოფლიო, სერიოზული ზრდა გვაქვს ქვეყანაში ინფიცირების. ამის შეჩერების რამდენიმე მიდგომაა, ერთერთია სწორედ ის შეზღუდვები, რაც ქვეყანამ დააწესა, მაგრამ დაწესება ერთია და მისი აღსრულება მეორე. თუ არ აღვასრულებთ – არაფერი გამოვა...

    ამბობს დაავადებათა კონტროლის ეროვნული ცენტრის ხელმძღვანელი, ამირან გამყრელიძე საკოორდინაციო საბჭოს სხდომის შემდეგ გამართულ ბრიფინგზე.
    გამყრელიძე: დღეს სულყველა და პოლიტიკური პროცესიც უნდა ემორჩილებოდეს პანდემიის მართვას
  • ჩვენ ვმერყეობთ 3-4 ათასს შორის... პიკში ვართ ახლა, ეს პიკი რამდენ ხანს გაგრძელდება, ბევრ ფაქტორზეა დამოკიდებული, მათ შორის, თუ როგორ დავიცავთ რეგულაციებს, რაც დაწესებულია. შესაძლებელია, ცოტა კიდევ იყოს ზრდა [ინფიცირების შემთხვევების], მაგრამ ამ ფარგლებში უნდა ვიყოთ...

    ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის შემდეგ გამართულ ბრიფინგზე ისაუბრა.
    გამყრელიძე: ჩვენ ახლა ვართ პიკში
  • ჩემი თავისთვის, როგორც ექიმისთვის, ვიყავი ძალიან საინტერესო პაციენტი. ორშაბათიდან, 16-დან მდგომარეობა ძალიან სწრაფად დამძიმდა. მქონდა ცხელება, ყელის ძლიერი ტკივილი, ხველა და, რაც მოსალოდნელი იყო ჩემი თანმხლები დაავადების გამო, 4 დღე თანმიმდევრულად მკვეთრად უარესდებოდა ჩემი იმუნური სტატუსის მაჩვენებლები. ხუთშაბათს მან მიაღწია კრიტიკულ დონეს. ხუთშაბათსვე მივიღე გადაწყვეტილება, რომ დამეწყო „რემდესივირის“ გადასხმა. სამწუხაროდ ის ჯერ საქართველოში არ არის შემოტანილი და მე უცხოეთიდან გამომიგზავნეს. „რემდესივირი“, შესაძლოა, არ არის იდეალური პრეპარატი, მაგრამ უკეთესი არ არსებობს...

    უთხრა კორონავირუსისგან გამოჯანმრთელებულმა თენგიზ ცერცვაძემ ტელეკომპანია იმედს.
    ცერცვაძე: რემდესივირის გადასხმა დავიწყე, საქართველოში არ არის, უცხოეთიდან გამომიგზავნეს