შსს-ს თანამშრომელმა, კარინა გრიგორიანმა პროტესტის ნიშნად თანამდებობა დატოვა. პოლიციელის პროტესტის მიზეზი, რუსეთის ჯაშუშობისთვის გასამართლებული პირების პოლიტპატიმრების სტატუსით შეწყალება გახდა.
კარინა გრიგორიანმა შს სამინისტროს შენობის წინ სპეციალური განცხადება გააკეთა. მისი თქმით, ხელისუფლებამ ''დაუშვა მძიმე და გამოუსწორებელი შეცდომა''.
"ანალოგიურად ფიქრობს სამინისტროს ბევრი თანამშრომელი. თუმცა, ისინი ღია პროტესტს ერიდებიან, რადგან მათ უკან ოჯახები დგას. ენვერის საქმეში პირადად ვმონაწილეობდი და ვიცი, ვინ იყვნენ ისინი, ვინც მაშინ დააკავეს. ისინი იყვნენ რუსეთის ჯაშუშები. არ მსურს ვიყო იმ ხელისუფლების მიერ მართული პოლიციის თანამშრომელი, რომელიც რუსეთის აგენტებს პოლიტპატიმრებად რაცხავს და ციხიდან ათავისუფლებს. ამიტომ, პროტესტის ნიშნად ვტოვებ შს სამინისტროს", - განაცხადა პოლიციელმა.
შეგახსენებთ, ამნისტიის შესახებ კანონის ძალაში შესვლის შემდეგ, 13 იანვარს, საპატიმრო 190-მა ადამიანმა დატოვა, რომელსაც საქართველოს პარლამენტმა პოლიტპატიმრის სტატუსი მიანიჭა.
