საქართველოს დაავადებათა კონტროლის ეროვნული ცენტრი კორონავირუსთან დაკავშირებით სტატისტიკას აქვეყნებს. NCDC-ს ინფორმაციით, ქვეყანაში კორონავირუსით ინფიცირებულთა საშუალო ასაკი 43 წელია. მაქსიმალური - 87, მინიმალური კი 2.
სტატისტიკის მიხედვით,კორონავირუსით ინფიცირებულთა მაჩვენებელი ქალებსა და კაცებში თანაბარია. ამავე ინფორმაციით, ქვეყანაში კორონავირუსზე ტესტირება 11 504 პირს ჩაუტარდა. ყველაზე მეტი, 897 ტესტი, 24 აპრილსაა ჩატარებული.
რაც შეეხება სიმპტომებს, დაავადებათა კონტროლის ცენტრის მონაცემებით, ინფიცირებულთა 68%-ს ცხელება და შემცივნება აღენიშნებოდა, 31%-ს - ზოგადი სისუსტე, ხველა - 29%-ს, ყელის ტკივილი - 20%-ს, თავის ტკივილი - 16% -ს, დიარეა - 16%-ს, ყნოსვის/გემოს ცვლილება - 11%-ს, კუნთების ტკივილი - 9%-ს, სახსრების ტკივილი - 8%-ს, სურდო - 7%-ს, გულმკერდის ტკივილი - 7%-ს, გულისრევა/ღებინება კი 5%-ს.
NCDC-ს სტატისტიკის მიხედვით, ქვეყანაში დადასტურებული შემთხვევებიდან ასიმპტომური პაციენტთა 9% იყო.
ბოლო მონაცემებით, საქართველოში კორონავირუსით ინფიცირების 485 შემთხვევაა დადასტურებული. მათგან 149 ადამიანი გამოჯანმრთელდა. COVID-19-ით ქვეყანაში 6 პაციენტი გარდაიცვალა.