საქართველოში ახალი კორონავირუსით ინფიცირებულთა რაოდენობა 23-ით გაიზარდა, გამოჯანმრთელებულების კი – 17-ით. ინფორმაცია StopCov.ge-ზე განახლდა.
ინფექციური საავადმყოფოს სამედიცინო დირექტორის, მარინა ეზუგბაიას თქმით, 23 ახალი ახალი შემთხვევიდან 6 პაციენტის ინფიცირების წყარო მესტიის მუნიციპალიტეტის სოფელი ლენჯერია, 11 ახალი ინფიცირებული უკვე დადასტურებულთან კონტაქტია, 2 შემოტანილი შემთხვევაა - ინფიცირებულები სატვირთოს მძღოლები არიან და ერთიც სამედიცინო პერსონალი.
რაც შეეხება დანარჩენი სამი ახალი პაციენტის ინფიცირების წყაროს, ამ საკითხის კვლევა მიმდინარეობს.
ახალი კორონავირუსით ინფიცირების აქტიური შემთხვევების რაოდენობა ქვეყანაში ამ დროისთვის 204-ა.
დღემდე საქართველოში ვირუსით ინფიცირების სულ 1 306 შემთხვევა გამოვლინდა, საიდანაც 1 085 გამოჯანმრთელდა, 17 ადამიანი კი გარდაიცვალა.
ამ დროისთვის საკარანტინო რეჟიმში 7 635 ადამიანი იმყოფება.