ამჟამად მსოფლიოში ახალი კორონავირუსის 43 ვაქცინის კლინიკურ ცდას ატარებენ ადამიანებზე. სულ მცირე, 91 ვაქცინა პრეკლინიკურ ფაზაშია და მათ ცხოველებზე ცდიან.
ჩვეულებრივ, კლინიკური კვლევების დაწყებამდე, ვაქცინების კვლევასა და ცდებს წლები სჭირდება, თუმცა ახალი კორონავირუსის მიმდინარე პანდემიის დროს მეცნიერები უსაფრთხო და ეფექტური ვაქცინის შექმნას რაც შეიძლება მალე, 2021 წლამდე ცდილობენ.
ახალი კორონავირუსის საწინააღმდეგო ვაქცინებზე მუშაობა იანვარში დაიწყეს, როდესაც ახალი კორონავირუსის, იგივე SARS-COV-2 ვირუსის (ვირუსის, რომელიც Covid-19-ით დაავადებას იწვევს) გენომი გაშიფრეს. მარტში დაიწყეს შემოწმება, უსაფრთხოა თუ არა ვაქცინა ადამიანებისთვის.
შესაძლოა, ვაქცინების ზოგიერთი ცდა ჩაფლავდეს, ზოგიერთი გაურკვეველი შედეგით დასრულდეს, თუმცა, ზოგიერთი - შესაძლოა, წარმატებითაც დასრულდეს. ეს იმას ნიშნავს, რომ ვაქცინა იმუნური სისტემის სტიმულირებას მოახდენს, რათა ვირუსის წინააღმდეგ ეფექტური ანტისხეულები გამოიმუშაოს.
ქვემოთ მოცემულია იმ ვაქცინების ამჟამინდელი სტატუსები, რომლებსაც უკვე ადამიანებზე ცდიან. ასევე აღნიშნულია დამაიმედებელი ვაქცინები, რომლებსაც ამ დროისთვის მხოლოდ უჯრედებზე ან ცხოველებზე ცდიან.
ვაქცინის ტესტირების პროცესი - ვაქცინის განვითარების ციკლი ლაბორატორიიდან კლინიკამდე
პრეკლინიკური ცდები: მეცნიერები ახალ ვაქცინას უჯრედებზე, ხოლო შემდეგ ცხოველებზე ცდიან. მაგალითად, თაგვებზე და მაიმუნებზე, რათა დააკვირდნენ, იმუნური პასუხი წარმოიქმენა თუ არა. როგორც აღინიშნა, ახლა 91 ვაქცინა პრეკლინიკურ ეტაპზეა და მათ აქტიურად ავითარებენ.
პირველი ფაზა - უსაფრთხოების ცდები: მეცნიერები ვაქცინას ადამიანთა მცირე რაოდენობას უკეთებენ, რათა მისი უსაფრთხოება და საჭირო დოზის სიდიდე გაიგონ. ასევე, დაამტკიცონ, რომ ვაქცინა იმუნური სისტემის სტიმულირებას ახდენს.
მეორე ფაზა - გაფართოებული ცდები: ამ ეტაპზე მეცნიერები ვაქცინას ასობით ადამიანს სხვადასხვა ჯგუფებში, ბავშვებს, ასაკოვან ადამიანებს უკეთებენ, რათა გაიგონ, ვაქცინა მათზე სხვადასხვანაიად მოქმედებს თუ არა. ცდებით ამოწმებენ ვაქცინის უსაფრთხოებასა და იმუნური სისტემის სტიმულირების შესაძლებლობას.
მესამე ფაზა - ეფექტურობის ცდა: ცდის მესამე ფაზაში მეცნიერები ვაქცინას ათასობით ადამიანს უკეთებენ და ელოდებიან, რომ ნახონ, რამდენი მათგანი დაინფიცირდება და რაოდენობა შეადარონ იმ მოხალისეებს, რომლებსაც პლაცებო გაუკეთეს. ეს ცდები განსაზღვრავს, შეუძლია თუ არა ვაქცინას კორონავირუსისგან დაცვა. ივნისში FDA-ში განაცხადეს, რომ კორონავირუსის ვაქცინამ ამავე ვაქცინით აცრილი ადამიანების, სულ მცირე, 50% უნდა დაიცვას, რათა ეფექტურად ჩაითვალოს. ამასთან ერთად, მესამე ფაზის ცდები საკმარისად ფართოა იმისთვის, რომ გამოვლინდეს შედარებით იშვიათი გვერდითი ეფექტები, რაც, შესაძლოა, წინა კვლევებში გამორჩათ.
ადრინდელი ან ლიმიტირებული გამოყენებისთვის დამტკიცება: ამ ეტაპზე, ჩინეთმა და რუსეთმა ვაქცინები ისე დაამტკიცეს, რომ მესამე ფაზის ცდების შედეგებს არ დაელოდნენ. ამ საქმის პროფესიონალები ამბობენ, რომ ასე სწრაფად დამტკიცება სერიოზულ რისკებს შეიცავს.
კომბინირებული ფაზები: ვაქცინის განვითარების ერთი გზა ცდების ფაზების კომბინირებაა. ზოგიერთი კორონავირუსის ვაქცინა ახლა პირველ და მეორე ფაზაზეა, ასე ვაქცინას პირველად ცდიან ასეულობით ადამიანზე.
გენეტიკური ვაქცინები
ვაქცინები, რომლებიც შეიცავენ კორონავირუსის გენებს ორგანიზმს აიძულებს, რომ იმუნური პასუხი წარმოქმნას
Moderna - National Institutes of Health (მესამე ფაზა)
Moderna ავითარებს ვაქცინას, რაც დაფუძნებულია რნმ მესენჯერზე (mRNA), რათა სხეულში ვირუსული პროტეინები წარმოქმნას. იანვარში მათ კორონავირუსისთვის ვაქცინის განვითარება დაიწყეს და მას შემდეგ მთავრობამ Moderna, დაახლოებით, 1 მილიარდი აშშ დოლარით დააფინანსა. ჯანმრთელობის ეროვნულ ინსტიტუტთან თანამშრომლობით მათ დაადგინეს, რომ ვაქცინა მაიმუნებს კორონავირუსისგან იცავს. მარტში კომპანიამ ახალი კორონავირუსის პირველი ვაქცინა ადამიანებზე გამოსცადა, რასაც დამაიმედებელი შედეგები აქვს. ამჟამად ვაქცინა ცდის მესამე ფაზაზეა, რაც 27 ივლისს დაიწყო. საბოლოო ცდაში აშშ-ს 89 ადგილიდან 30 000 ჯანმრთელი ადამიანი იღებს მონაწილეობას. 11 აგვისტოს მთავრობამ კომპანიას დამატებით 1.5 მილიარდი აშშ დოლარი გაუგზავნა 100 მილიონი ვაქცინის დოზის სანაცვლოდ, იმ შემთხვევაში, თუ ვაქცინა უსაფრთხო და ეფექტური აღმოჩნდება. კანდა ვაქცინის 20 მილიონი დოზის შეძენას აპირებს.
17 სექტემბერს კომპანიამ გააზიარა პროტოკოლი, რათა განესაზღვრათ, მათი ვაქცინა უსაფრთხო და ეფექტური იყო თუ არა.
გეგმით, ისინი ელოდენიან მანამ, სანამ მოხალისეთა მნიშვნელოვანი რაოდენობდა დაინფიცირდება და შემდეგ ნახავენ, მათგან რამდენი იყო ვაქცინით აცრილი. შესაძლოა, საჭირო რაოდენობას 2020 წლის ბოლოს ან 2021 წლის დასაწყისში მიაღწიონ.
ინფორმაცია 24 სექტემბერს განახლდა.
CureVac (მეორე ფაზა)
ივნისში გერმანიაში არსებულმა კომპანიამ, CureVac-მა დაიწყო mRNA ვაქცინის ცდის პირველი ფაზა, ხოლო სექტმებერში მეორე ფაზაზე გადავიდა და ვაქცინა პერუსა და პანამაში მცხოვრებ მოხალიესეებზე გამოსცადა. ვაქცინის ცდის მე-3 ფაზის დაწყება დაგეგმილია 2020 წლის ბოლომდე.
CureVac-ის დირექტორმა თქვა, რომ 2020 წლის ბოლომდე 100 მილიონი დოზის გაკეთებას აპირებს და იმედოვნებს, რომ 2021 წლისთვის ვაქცინა დამტკიცებული იქნება. CureVac-მა ილონ მასკის კომპანიასთან, Tesla-სთან კოლაბორაციით იმუშავა mRNA-ს “მიკრო-ქარხნების” შექმნაზე, რაც მომავალში მთელს მსოფლიოში განვითარდება, რათა მილიარდობით ვაქცინის დოზა აწარმოოს.
ინფორმაცია 30 სექტემბერს განახლდა.
BioNTech - Pfizer - Fosun Pharma (მეორე ფაზა, მესამე ფაზა, კომბინირებული ფაზა)
გერმანული კომპანია BioNTech ნიუ-იორკში არსებულ კომპანია Pfizer-თან კოლაბორაციით და ჩინური წამლების მწარომებელთან (Fosun Pharma) ერთად ავითარებს mRNA ვაქცინას. მაისში მათ დაიწყეს ცდების პირველი და მეორე ფაზა ვაქცინის ორ ვერსიაზე. მკვლევარებმა ნახეს, რომ ვაქცინის ორივე ვერსიამ მოხალისეებში SARS-COV-2-ის წინააღმდეგ ანტისხეულები წარმოქმნა და, ასევე, იმუნური უჯრედები, სახელად T უჯრედები, რაც ვირუსს პასუხობს. მათივე მიგნებებით, ვაქცინის ერთი ვერსია (BNT162b2) წარმოქმნის ბევრად ცოტა გვერდით ეფექტებს, მაგალითად, სიცხეს და დაღლილობას. სწორედ ამიტომ, მეცნიერება ეს ვერსიაც გადაიყვანეს მეორე და მესამე ფაზაზე. 27 ივლისს კომპანიებმა დააანონსეს ცდების მეორე და მესამე ფაზის დაწყება, რაშიც აშშ-დან, არგენტინიდან, ბრაზილიიდან, გერმანიიდან და სხვა ქვეყნებიდან 30 000 ადამიანი იღებს მონაწილეობას.
კომპანიებში განაცხადეს, რომ ვაქცინის პირველი დოზის მიღების შემდეგ მოხალისეებს, ძირითადად, მსუბუქი ან ზომიერი სიმძიმის გვერდითი ეფექტები აქვთ.
12 სექტემბერს კომპანიებში Pfizer-ში და BioNTech-ში განაცხადეს, რომ აშშ-ში ცდების გაფართოება 43 000 მონაწილეზე სურთ.
ივლისში ტრამპის ადმინისტრაციამ დეკემბრამდე 100 მილიონი დოზისთვის და კიდევ დამატებით 500 მილიონი დოზის მისაღებად 1.9 მილიარდი აშშ დოლარის კონტრაქტი გააფორმა. იაპონია 120 მილიონ დოზაზე შეთანხმდა, ხოლო ევროკავშირი - 200 მილიონზე.
Pfizer-ის აღმასრულებელმა დირექტორმა სექტემბერში განაცხადა, რომ ოქტომბერში ეცოდინებათ, ვაქცინა მოქმედებს თუ არა. მისი დამტკიცების შემთხვევაში, ელიან, რომ 2021 წლის ბოლომდე 1.3 მილიარდ დოზას აწარმოებენ.
ინფორმაცია 17 სექტემბერს განახლდა.
Inovio (პირველი ფაზა)
ამერიკულ კომპანიას, Inovio-ს განვითარებული აქვს დნმ-ის შემცველი ვაქცინები, რომელიც არაინვაზიურად შეჰყავთ კანში სპეციალური ხელში დასაჭერი მოწყობილობით, ელექტროპულსებით. ივნისში კორონავირუსის ვაქცინის ცდის პირველი ფაზის შუალედური ინფორმაცია დაანონსეს. მეცნიერებმა ვერ იპოვნეს სერიოზულ\ი უარყოფითი ეფექტები. იმუნური პასუხი 36-დან 34 მოხალისეში გაზომეს. კომპანიას ჯერ არ გამოუქვეყნებია ამ კვლევის დეტალური შედეგები.
28 სექტემბერს FDA-მ ვაქინების გამოცდა ნაწილობრივ დროებით შაჩერა, რადგან კითხვები აქვთ ვაქცინის ცდის დაგეგმილ მე-2 და მე-3 ფაზებზე, მათ შორის მოწყობილობაზე, რითაც ადამიანს ვაქცინა უნდა გაუკეთდეს.
ინფორმაცია 28 სექტემბერს განახლდა.
Zydus Cadila (მეორე ფაზა)
ინდური ვაქცინის მწარმოებელმა კომპანიამ, Zydus Cadila-მ დნმ-ის შემცველი ვაქცინის გამოცდა ივლისში დაიწყო.
ვაქცინის მიღება კანზე დასაკრავი საშუალებით არის შესაძლებელი.
კომპანია ვაქცინის ცდის მეორე ფაზაზე 6 აგვისტოს გადავიდა.
ინფორმაცია განახლდა 28 აგვისტოს.
Imperial College - Morningside (პირველი ფაზა, მეორე ფაზა, კომბინირებული ფაზა)
ლონდონის იმპერიული კოლეჯის მკვლევარებმა განავითარეს “თვითგამაძლიერებელი” რნმ ვაქცინა, რაც აძლიერებს ვირუსული პროტეინების წარმოქმნას, რათა იმუნური სისტემის სტიმულირება მოახდინოს. მათ ცდების პირველი და მეორე ფაზა 15 ივნისს დაიწყეს. კომპანია Morningside Ventures-თან პარტნიორობს, რათა აწარმოოს და გაანაწილოს ვაქცინები ახლადშექმნილი კომპანიის დახმარებით, სახელად VacEquity Global Health-ი. მკვლევარები ვარაუდობენ, რომ წლის ბოლომდე მათ ინფორმაცია ექნებათ ვაქცინის ეფექტურობის შესახებ.
Arcturus - Duke-NUS - Medical School (პირველი ფაზა, მეორე ფაზა, კომბინირებული ფაზა)
კალიფორნიაში დაფუძნებულმა კომპანიამ, Arcturus Therapeutics-მა და სინგაპურის Duke-NUS-ის სამედიცინო სკოლამ განავითარეს mRNA ვაქცინა. მას აქვს თვითგამრავლების უნარი, რაც ვირუსული პროტეინების უფრო დიდ წარმოქმნას იწვევს. ცხოველებზე ჩატარებულმა ცდებმა ცხადყო, რომ ვაქცინა მათ დაინფიცირებისგან იცავს. აგვისტოში სინგაპურის გენერალურ საავადმყოფოში Arcturus-მა დაიწყო პირველი და მეორე ფაზის ცდები.
ინფორმაცია 8 სექტემბერს განახლდა.
AnGes - Osaka University - Takara Bio (პირველი ფაზა, მეორე ფაზა, კომბინირებული ფაზა)
30 ივნისს იაპონიის ბიოტექნოლოგიურმა კომპანიამ, AnGes-მა დააანონსა, რომ ოსაკას უნივერსიტეტთან და Takara Bio-სთან ერთად პარტნიორობით განვითარებული დნმ-ის შემცველი ვაქცინის ცდის პირველი ფაზა დაიწყო. ცდისთვის მოხალისეების აყვანა აგვისტოს ბოლოს დაიწყეს.
ინფორმაცია 27 აგვისტოს განახლდა.
Sanofi - Translate Bio (პრეკლინიკური)
ფრანგულმა ფარმაცევტულმა კომპანიამ, Sanofi-მა კომპანია Translate Bio-სთან პარტნიორობით განავითარა mRNA ვაქცინა. მკვლევარების მიგნებებით, ვაქცინა წარმოქმნის ძლიერ იმუნურ პასუხს მაიმუნებში და გეგმავენ, რომ ცდების პირველი ფაზა დეკემბრამდე დაიწყონ.
ეს მათ მიერ შექმნილი მეორე კორონავირუსის ვაქცინის კანდიდატი გახდება, რომელზეც კლინიკურ ცდებს დაიწყებენ. პირველი, ვირუსის პროტეინით წარმოდგენილი ვაქცინაა.
ინფორმაცია 29 სექტემბერს განახლდა.
Genexine (პირველი ფაზა)
კორეულმა კომპანიამ, Genexine-მა დნმ-ის შემცველი ვაქცინის უსაფრთხოების ცდა ივნისში დაიწყო. შემოდგომაზე კომპანია, სავარაუდოდ, ვაქცინის ცდის მეორე ფაზაზე გადავა.
ინფორმაცია 24 ივნისს განახლდა.
Chulalongkorn University - Chula Vaccine Research Center (პირველი ფაზა)
ტაილანდში, ჩულალონგკორნის უნივერსიტეტის მკვლევარები ავითარებენ ახალი კორონავირუსის რამდენიმე პოტენციურ ვაქცინას. ყველაზე წინაა მესენჯერ რნმ-ზე დაფუძნებული ChulaCov 19. ჩულა ვაქცინის კვლევით ცენტრში 29 სექტემბერს დაარეგისტრირეს ვაქცინის ცდების პირველი ფაზა რათა ის ადამიანებზე გამოსცადონ. პროექტის ხელმძღვანელის თქმით, ტაილანდისთვის და 6 აზიური ქვეყნისთვის შესაძლოა 30 მილიონი დოზა ვაქცინა აწარმოონ, იმ შემთხვევაში თუ ვაქცინის უსაფრთხოება და ეფექტურობა დამტკიცდება.
ინფორმაცია 30 სექტემბერს განახლდა.
Academy of Military Medical Sciences - Suzhou Abogen Biosciences - Walvax Biotechnology (პირველი ფაზა)
ივნისში ჩინელმა მკვლევარებმა სამხედრო სამედიცინო მეცნიერების აკადემიაში, სუჭოუს, Abogen Biosciences-ისა და Walvax Biotechnology-ის წარმომადგენლებმა დააანონსეს, რომ ვაქცინის ცდის პირველ, უსაფრთხოების ცდებს დაიწყენდნენ. საუბარია mRNA-ზე დაფუძნებულ ვაქცინაზე, სახელად ARCoV. ადრინდელმა კვლევებმა მაიმუნებზე აჩვენეს, რომ ვაქცინას დამცავი ეფექტი აქვს.
ინფორმაცია 26 ივნისს განახლდა.
პრეკლინიკურ ეტაპზე მყოფი სხვა ვაქცინები
ამჟამად აქტიურად ავითარებენ სხვა გენეტიკურ ვაქცინებს - Applied DNA Sciences, EvviVax და Takis Biotech; DIOSynVax; Elixirgen Therapeutics; Entos Pharmaceuticals; ETheRNA; Infectious Disease Research Institute და Amyris; Mediphage Bioceuticals; the OPENCORONA Consortia; Scancell; the Spanish National Center for Biotechnology and the Spanish National Research Council.
ინფორმაცია 30 სექტემბერს განახლდა.
ვირუსული ვექტორის ვაქცინები
ვაქცინები, რომლებიც შეიცავს ვირუსებს, რომლებიც შექმნილია კორონავირუსის გენების გადასაცემად. ზოგიერთი ვირუსული ვექტორული ვაქცინა შედის უჯრედებში და მათ ვირუსული პროტეინების წარმოქმნას აიძულებს. სხვა ვირუსული ვექტორები ნელა მრავლდებიან, მათ ზედაპირზე კორონავირუსის ცილებს ატარებენ.
AstraZeneca - University of Oxford (მეორე ფაზა, მესამე ფაზა, კომბინირებული ფაზა)
ბრიტანულ-შვედურ კომპანიას AstraZeneca-სა და ოქსფორდის უნივერსიტეტის მიერ ვითარდება ვაქცინა, რომელიც ემყარება შიმპანზეს ადენოვირუსს, სახელწოდებით, ChAdOx1. მაიმუნებზე ჩატარებულმა კვლევამ აჩვენა, რომ ვაქცინა მათ იცავს. მაისში აშშ-მ პროექტს 1,2 მილიარდი დოლარი გამოუყო.
ცდის პირველი და მეორე ფაზის დროს ვაქცინის შემქმნელებმა ვერ ნახეს მწვავე გვერდითი ეფექტები. მათ დაადგინეს, რომ ვაქცინა კორონავირუსის წინააღმდეგ ანტისხეულებს აჩენს, ასევე, ვაქცინამ წარმოქმნა სხვა იმუნური თავდაცვა. ვაქცინის ცდის მეორე და მესამე ფაზა დაიწყო ინგლისსა და ინდოეთში, ცდის მე-3 ფაზა დაიწყო ბრაზილიაში, სამხრეთ აფრიკასა და შეერთებულ შტატებში.
აგვისტოში ევროკავშირი კომპანიასთან შეთანხმდა, რომ თუ ცდები დადებით შედეგებს გამოიღებს, კომპანია მათ ვაქცინის 400 მილიონ დოზას მიაწოდებს. AstraZeneca-მ, შესაძლოა, საგანგებო ვაქცინების გაგზავნა ოქტომბერში დაიწყოს - ეს ნაბიჯი კვლევების შედეგებზე იქნება დამოკიდებული. კომპანიაში განაცხადეს, რომ ვაქცინის დამტკიცების შემთხვევაში, შეუძლიათ მაქსიმუმ 2 მილიარდი დოზის წარმოება. ინდოეთის Serum-ის ინსტიტუტმა ცდებისთვის უკვე შექმნა ვაქცინის მილიონობით დოზა.
6 სექტემბერს AstraZeneca-მ გლობალურად შეაჩერა ვაქცინის ცდები, რადგან გამოეკვლიათ ერთერთი მოხალისე, რომელსაც ანთების ფორმა, განივი მიელეტი განუვითარდა. ბრიტანეთსა და ბრაზილიაში ცდები 12 სექტემბერს გაგრძელდა, სხვა ქვეყნებში ცდები, დროებით, კვლავ შეჩერებულია.
ინფორმაცია 15 სექტემბერს განახლდა.
Johnson & Johnson - Beth Israel Deaconess Medical Center (მესამე ფაზა)
ათი წლის წინ ბოსტონში სამედიცინო ცენტრის Beth Israel Deaconess-ის მკვლევარებმა განავითარეს ვაქცინების დამზადების მეთოდი ვირუსისგან, სახელად ადენოვირუს 26-სგან (Ad26). Johnson & Johnson-მა ებოლასთვის და სხვა დაავადების წინააღმდეგ ვაქცინები სწორედ Ad26-ით განავითარა. ახლა კი ამ მეთოდით ვაქცინა ახალი კორონავირუსისთვის შექმნეს. მარტში აშშ-ს მთავრობამ მათ 456 მილიონი აშშ დოლარი გამოუყო. ცდებით ეს ვაქცინა მაიმუნებს დაინფიცირებისგან იცავს. Johnson & Johnson-მა ცდის პირველი და მეორე ფაზა ივლისში დაიწყო. მესამე ფაზა, 60 000 პირის მონაწილეობით კი სექტემბერში დაიწყო.
აგვისტოში აშშ-ს მთავრობაში განაცხადეს, რომ 1 მილიარდ აშშ დოლარს გადაიხდიან 100 მილიონი დოზისთვის, იმ შემთხვევაში, თუ ვაქცინას დაამტკიცებენ. კომპანიის წარმიმადგენლებს მიზანი აქვთ, რომ 2021 წელს სულ მცირე მილიარდი დოზა აწარმოონ.
ინფორმაცია 28 აგვისტოს განახლდა.
Merck - Themis - Institut Pasteur (პირველი ფაზა)
ამერიკელმა კომპანია Merck-მა ავსტრიული კომპანია Themis Bioscience-ი ივნისში შეიძინა და ახლა ვაქცინაზე მუშაობს, რომელიც თავდაპირველად Pasteur-ის ინსტიტუტმა განავითარა. ვაქცინა იყენებს წითელას დასუსტებულ ვირუსს, რომელიც ატარებს კორონავირუსის ცილის გენს. მკვლევარებმა პირველი ფაზის ცდები აგვისტოში დაიწყეს.
ინფორმაცია 12 აგვისტოს განახლდა.
ReiThera - Lazzaro Spallanzani National Institute for Infectious Disease (პირველი ფაზა)
იტალიურმა ბიოტექნოლოგიურმა კომპანია ReiThera-მ განავითარა ახალი კორონავირუსის ვაქცინა სახელად GRAd-COV2, რაც ემყარება ადენოვირუსს, რომელიც გორილას აინფიცირებს. კომპანია რომის Lazzaro Spallanzani-ს ინფექციური დაავადებების ეროვნულ ინსტიტუტთან ერთად მუშაობდა. მათ ცდის პირველი ფაზა ივლისის ბოლოს დაიწყეს.
ინფორმაცია 28 აგვისტოს განახლდა.
Merck - International AIDS Vaccine Initiative (პრეკლინიკური)
Merck პარტნიორობს კომპანია IAVI-სთან მეორე ვირუსული ვექტორის ვაქცინაზე, რისი დამტკიცების შემთხვევაში მისი ორალურად მიღებაა შესაძლებელი. ის იყენებს ვეზიკულარული სტომატიტის ვირუსებს, იგივე მიდგომა კომპანია Merck-მა წარმატებით გამოიყენა, რათა ეწარმოებინა პირველი დამტკიცებული ებოლას ვაქცინა. Merck-მა და IAVI-მ მიიღეს 38 მილიონი აშშ დოლარი ამერიკის მთავრობისგან. კომპანიებში ვარაუდობენ, რომ ცდების პირველი ფაზა 2020 წლის ბოლოს დაიწყება.
ინფორმაცია 27 აგვისტოს განახლდა.
Novartis (პრეკლინიკური)
შვეიცარულ კომპანია Novartis-ში აპირებენ ვაქცინის წარმოებას, რომელიც ეფუძნება გენურ თერაპიას, რაც მასაჩუსეტსის თვალისა და ყურის საავადმყოფომ, მასაჩუსეტსის გენერალურმა საავადმყოფომ და პენსილვანიის უნივერსიტეტის გენური თერაპიის პროგრამამ განავითარა. ვირუსი, რომელსაც ჰქვია ადენოსთან დაკავშირებული ვირუსი, კორონავირუსის გენის ფრაგმენტები უჯრედებში შეჰყავს. 2020 წლის ბოლოს 1-ლი ფაზის დაწყება იგეგმება.
ინფორმაცია 24 აგვისტოს განახლდა.
University of Hong Kong - Xiamen University - Wantai Biopharmaceutical (პირველი ფაზა)
2019 წელს ჰონგ-კონგის უნივერსიტეტისა და ჩინეთის სიამენის უნივერსიტეტის მკვლევარებმა შექმნეს ცხვირის სპრეის ვაქცინა გრიპის საწინააღმდეგოდ, რაც გრიპის ვირუსის გენეტიკურად დასუსტებულ ფორმას ეფუძნება. ამ წლის დასაწყისში მათ შექმნეს ვაქცინა, რათა ასევე წარმოექმნათ კორონავირუსის S ცილის ნაწილი. 9 სექტემბერს მკვლევარებმა მიიღეს დასტური, რომ პეკინის Wantai Biological Pharmacy-თან პარტნიორობით კლინიკური ცდები დაიწყონ.
ინფორმაცია 9 სექტემბერს განახლდა.
Vaxart (პირველი ფაზა)
Vaxart-ის ვაქცინა არის ტაბლეტი, რომლის ორალურად მიღებაა შესაძლებელი. ვაქცინა შეიცავს ადენოვირუსებს, რომლებსაც აქვთ კორონავირუსის გენები. სექტემბერში დააანონსეს, რომ ვაქცინამ თაგვებში გამანეიტრალებელი ანტისხეულები წარმოქმნა.
24 სექტემბერს ვაქცინის ცდის პირველი ფაზა დაარეგისტრირეს.
ინფორმაცია 24 სექტემბერს განახლდა.
CanSino Biologics - Academy of Military Medical Sciences (მე-3 ფაზა, დამტკიცებულია შეზღუდული გამოყენებისთვის)
ჩინურმა კომპანიამ, CanSino Biologics-მა ქვეყნის სამხედრო სამედიცინო მეცნიერების აკადემიის ბიოლოგიურ ინსტიტუტთან პარტნიორობით განავითარა ვაქცინა, რომელიც დაფუძნებულია ადენოვირუსზე სახელად - Ad5. მაისში მათ დამაიმედებელი შედეგები გამოაქვეყნეს ვაქცინის უსაფრთხოების ცდის პირველი ფაზის შესახებ. ივლისში მეცნიერების განცხადებით, მეორე ფაზის ცდებით ჩანს, რომ ვაქცინა ძლიერ იმუნურ პასუხს წარმოქმნის. ჩინეთის სამხედროებმა ვაქცინა 25 ივნისს დაამტკიცეს ერთი წლით, როგორც “სპეციალურად საჭირო პრეპარატი”. კომპანიაში CanSino არ ამბობენ, ვაქცინა ჯარისკაცებისთვის სავალდებულო იქნება თუ ნებაყოფლობითი.
9 აგვისტოს საუდის არაბეთის ჯანმრთელობის მინისტრმა განაცხდა, რომ CanSino ვაქცინის მესამე ფაზის ცდას საუდის არაბეთში ჩაატარებს. აგვისტოს ბოლოს ვაქცინაზე ცდა დაიწყეს საუდის არაბეთში, რუსეთში, პაკისტანში.
ინფორმაცია 24 სექტემბერს განახლდა.
Gamaleya Research Institute (მე-3 ფაზა, დამტკიცებულია ადრინდელი გამოყენებისთვის)
გამელიას კვლევითმა ინსტიტუტმა, რომელიც რუსეთის ჯანმრთელობის სამინისტროს ნაწილია, ივნისში დაიწყო ვაქცინის სახელად Gam-Covid-Vac კლინიკური ცდები. ეს ორი ადენოვირუსის Ad5-სა და Ad26-ის კომბინაციაა. ორივე კორონვირუსის გენითაა გამოყვანილი.
11 აგვისტოს რუსეთის პრეზიდენტმა ვლადიმირ პუტინმა დააანონსა, რომ რუსეთის ჯანდაცვის მარეგულირებელმა დაამტკიცა ვაქცინა, შეცვლილი სახელით, Sputnik V. ვაქცინა დაამტკიცეს მანამ, სანამ მესამე ფაზის ცდები დაიწყებოდა. ვაქცინის ექსპერტები ამას სარისკო ნაბიჯად აცხადებენ. მას შემდეგ რუსეთში განაცხადეს, რომ დამტკიცება “პირობითი რეგისტრაციის სერტიფიკატის” მინიჭება იყო, რაც მესამე ფაზის ცდების პოზიტიურ შედეგებზე იქნება დამოკიდებული. ცდებში თავდაპირველად 2000 მოხალისეს უნდა მიეღო მონაწილეობა, თუმცა, მოგვიანებით მათი რაოდენობა 40 000-მდე გაზარდეს. 4 სექტემბერს გამალეიას მკვლევარებმა გამოაქვეყნეს პირველი და მეორე ფაზის ცდების შედეგები. მცირე კვლევით ვაქცინამ კორონავირუსის წინააღმდეგ ანტისხეულები გამოიღო და მსუბუქი გვერდითი ეფექტები გააჩნია.
რუსეთი ბრაზილიასთან, მექსიკასთან და ინდოეთთან შეთანხმდა, რომ მათ ვაქცინას გაუგზავნის.
ინფორმაცია 17 სექტემბერს განახლდა.
German Center for Infection Research (პირველი ფაზა)
30 წლის წინ ინფექციური კვლევის გერმანულმა ცენტრმა განავითარა ჩუტყვავილას ვაქცინა უვნებელი ვირუსისგან სახელად Modified Vaccinia Ankara (MVA).
გასულ წლებში მათ ვაქცინა შეცვალეს, რათა MERS-ის (შუა აღმოსავლეთის რესპირატორული სინდრომის კორონავირუსი) ვაქცინა შეექმნათ. ამ გაზაფხულზე მათ შექმნეს MVA-ზე დაფუძნებული ვაქცინა ამჯერად ახალი კორონავირუსისთვის. ის შეიცავს S პროტეინს. 29 სექტემბერს დაარეგისტრირეს ვაქცინის ცდის პირველი ფაზა. არის მოლოდინი, რომ ვაქცინას 2021 წლის ბოლომდე დამტკიცდეს.
ინფორმაცია 29 სექტემბერს განახლდა.
პრეკლინიკური
სხვა ვირუსული ვექტორის ვაქცინები აქტიური პრეკლინიკური განვითარების ეტაპზე არიან. მათ შორის არიან: Altimmune; Icahn School of Medicine at Mount Sinai; Intravacc; the Israel Institute for Biological Research; KU Leuven; Meissa Vaccines; NantKwest; the Spanish National Center for Biotechnology and the Spanish National Research Council; Thomas Jefferson University and Bharat Biotechnology; Tonix Pharmaceuticals; University of Pittsburgh; Vivaldi Biosciences; Washington University.
ინფორმაცია 30 სექტემბერს განახლდა.
ვირუსის პროტეინებით წარმოდგენილი ვაქცინები
ესაა ვაქცინები, რომლებიც შეიცავენ კორონავირუსის პროტეინებს, თუმცა არ შეიცავენ გენეტიკურ მასალებს. ზოგიერთი ვაქცინა შეიცავს მთელ პროტეინებს, ზოგი კი მათ ნაწილებს. ზოგი ბევრ ამ მოლეკულებს აგროვებს ნანონაწილაკებზე.
Novavax (მესამე ფაზა)
აშშ-ში, მერილენდში არსებულ კომპანია Novavax-ში ვაქცინას მიკროსკოპულ ნაწილაკებზე ცილების შეკვრით აკეთებენ. კომპანიამ კორონავირუსისთვის ვაქცინის ცდები მაისში დაიწყო. ეპიდემიის მზადების ინოვაციების კოალიციამ ვაქცინის განვითარებისთვის 384 მილიარდი აშშ დოლარის ინვესტიცია ჩადო. ივლისში აშშ-ს მთავრობამ ვაქცინის კლინიკური ცდებისა და მისი წარმოებისთვის კომპანიას 1.6 მილიარდი აშშ დოლარი გადასცა.
4 აგვისტოს კომპანიამ დააანონსა, რომ მაიმუნებსა და ადამიანებზე ორმა პირველადმა კვლევითმა ვაქცინამ დამაიმედებელი შედეგები აჩვენა. 17 აგვისტოს სამხრეთ აფრიკაში ვაქცინის ცდის მეორე ფაზა დაიწყეს. ცდაში 2900 ადამიანი იღებს მონაწილობას, რითაც შემოწმდება ვაქცინის უსაფრთხოება და ეფექტურობა.
სექტემბერში მე-3 ფაზა დაიწყეს და მასში გაერთიანებულ სამეფოში 10 000 მოხალისე იღებს მონაწილოებას
ცდების შედეგები 2021 წლის დასაწყისისთვის ცნობილი უნდა იყოს. უფრო ფართო ცდის მესამე ფაზის დაწყება აშშ-ში ოქტომბერში იგეგმება.
კომპანიაში ვარაუდობენ, რომ 2021 წლის პირველ კვარტალში აშშ-სთვის 100 მილიონი დოზის მიწოდება შეეძლებათ. სექტემბერში კომპანიამ ვაქცინის მწარმოებელთან ინდოეთის სერუმის ინსტიტუტთან (Serum Institute of India) შეთანხმებას მიაღწია - მათ წელიწადში 2 მილიარდი დოზის ვაქცინის წარმოება შეეძლებათ.
ინფორმაცია 24 სექტემბერს განახლდა.
Clover Biopharmaceuticals - GSK - Dynavax (პირველი ფაზა)
Clover-მა განავითარა ვაქცინა, რომელიც კორონავირუსის პროტეინს შეიცავს. იმუნური სისტემის სტიმულირებისთვის ვაქცინა ასევე შეიცავს ბრიტანული წამლების დამამზადებელი კომპანიის GSK-ის და ამერიკული კომპანია Dynavax-ის მიერ დამზადებულ ე.წ. ადიუვანტებს. კომპანია CEPI-მ დააანონსა, რომ ვაქცინის წარმოების განვითარებას მხარს დაუჭერს, ამგვარად, წელიწადში, შესაძლოა, ასობით მილიონი ვაქცინა აწარმოონ.
Vaxine (პირველი ფაზა)
ავსტრალიურმა კომპანია Vaxine-მა განავითარა ვაქცინა, რომელიც აერთიანებს ვირუსულ პროტეინებს ადიუვანტთან, რომელიც ასტიმულირებს იმუნურ სისტემას. ივლისში მათ წარმატებით დაასრულეს ცდების პირველი ფაზა. მეორე ფაზა, სავარაუდოდ, წლის ბოლომდე დაიწყება.
ინფორმაცია 29 სექტემბერს განახლდა.
IFN - INSTITUTO FINLAY DE VACUNAS (1-ლი ფაზა, მე-2 ფაზა, კომბინირებული ფაზა)
18 აგვისტოს კუბის საზოგადოებრივი ჯანდაცვის სამინისტრომ დააანონსა, რომ Finlay-ს ვაქცინის ინსტიტუტი კორონავირუსის ვაქცინის Soberana 1-ის კლინიკურ ცდებს დაიწყებს. ვაქცინა შეიცავს S პროტეინის ნაწილს, RBD-ს (რეცეპტორის მიერთების ადგილი), ასევე შეიცავს ადიუვანტს, რათა გააძლიეროს იმუნური პასუხი.
ინფორმაცია 19 აგვისტოს განახლდა.
Vector Institute (1-ლი ფაზა, მე-2 ფაზა, კომბინირებული ფაზა)
26 აგვისტოს რუსული ბიოლოგიური კვლევითი ცენტრის, Vector-ის ინსტიტუტმა კორონავირუსის ვაქცინის EpiVacCorona-ის ცდების პირველი და მეორე ფაზა დაარეგისტრირა. ვაქცინა შეიცავს ვირუსული პროტეინების მცირე ნაწილებს, პეპტიდებს. ვაქცინაზე ცდები უკვე დაწყებულია. კომპანიაში გეგმავენ რომ ვაქცინის დისტრიბუცია წლის ბოლომდე დაიწყონ.
ინფორმაცია 27 აგვისტოს განახლდა.
Medicago - GSK - Dynavax (პირველი ფაზა)
კანადაში არსებული კომპანია Medicago ვაქცინების გასაკეთებლად იყენებს თამბაქოს სახეობებს. Medicago-ს ნაწილობრივ სიგარეტების მწარმოებელი კომპანია Philip Morris-ი აფინანსებს. მეცნიერებს ვირუსის გენები ფოთლებში შეჰყავთ, მცენარის უჯრედები ქმნიან პროტეინის გარსს, რაც ვირუსებს იმიტირებს. ივლისში კომპანიამ ვაქცინის ცდების პირველი ფაზა დაიწყო - კორონავირუსის მცენარეზე შექმნილი ვაქცინა GSK-სა და Dynavax-ის ადიუვანტებთან კომბინაციით. ცდების წარმატებით დასრულების შემთხვევაში, ოქტომბერში ვაქცინის ცდების მეორე და მესამე ფაზის ჩატარება იგეგმება.
ინფორმაცია 20 ივლისს განახლდა.
Kentucky BioProcessing (პირველი ფაზა)
კიდევ ერთ ვაქცინას, რომელიც თამბაქოზეა დაფუძნებული, ავითარებს კომპანია Kentucky-ი, ბრიტანულ-ამერიკული თამბაქოს ჯგუფ BAT-ის ამერიკული შვილობილი კომპანია. Medicago-ს მსგავსად, Kentucky ამუშავებს თამბაქოს ჯიშებს, სახელად Nicotiana benthamiana, რათა ვირუსული პროტეინები შექმნას. გაზაფხულზე პრეკლინიკური ცდების შემდეგ, მათ კორონავირუსის ვაქცინის ცდების პირველი ფაზა ივლისში დაარეგისტრირეს.
ინფორმაცია 20 ივლისს განახლდა.
University of Queensland - CSL (პირველი ფაზა)
ავსტრალიის ქუინსლენდის უნივერსიტეტის ვაქცინის ვირუსულმა პროტეინებმა ძლიერი იმუნური პასუხი უნდა გამოიწვიოს. ზაზუნებზე ცდებმა აჩვენა, რომ ვაქცინა მათ კორონავირუსისგან იცავს. უნივერსიტეტმა ცდების პირველი ფაზა 1 ივლისს დაიწყო - ვაქცინა შეიცავს პროტეინებთან კომბინირებულ, CSL-ის მიერ დამზადებულ ადიუვანტებს. თუ ცდები წარმატებით დასრულდება, CSL-ი კლინიკური ცდების შემდგომ ეტაპზე 2020 წლის ბოლომდე გადავა. სექტემბერში ვაქცინის მწარმოებელმა ავსტრალიის მთავრობასთან შეთანხმებას მიაღწია - ვაქცინის ცდების წარმატებით დასრულების შემთხვევაში, კომპანია მათ 51 მილიონ დოზას გაუგზავნის. არის მოლოდინი, რომ აღნიშნული ვაქცინის გავრცელება 2021 წლის შუა პერიოდიდან დაიწყება.
ინფორმაცია 8 სექტემბერს გავრცელდა.
Medigen - Dynavax (პირველი ფაზა)
ტაივანში არსებული ვაქცინის მწარმოებელი კომპანია Medigen-ი ვაქცინას S პროტეინების და კომპანია Dynavax-ის ადიუვანტებით აკეთებს. ვაქცინის ცდების პირველი ფაზა უკვე დაარეგისტრირეს და ცდები სექტემბერში იწყება.
ინფორმაცია 31 აგვისტოს განახლდა.
AdImmune (პირველი ფაზა)
ტაივანში არსებული კიდევ ერთი ვაქცინების მწარმოებელმა კომპანია Adimmune-მა ვაქცინის ცდების პირველი ფაზის დაწყების ნებართვა 20 აგვისტოს მიიღო. ვაქცინა შეიცავს ვირუსის S პროტეინის RBD სეგმენტს.
ინფორმაცია 20 აგვისტოს განახლდა.
Sanofi - GSK (პირველი ფაზა, მეორე ფაზა, კომბინირებული ფაზა)
Sanofi-მ განავითარა კორონავირუსის ვაქცინა, რაც ვირუსულ პროტეინებს ეფუძნება. ისინი ქმნიან პროტეინებს შექმნილ2ი ვირუსებისგან, რომლებიც მწერის უჯრედებში იზრდება. ამ პროტეინებს ადიუვანტებს უმატებენ, რათა იმუნური სისტემის სტიმულირება მოახდინოს. ვაქცინა იმავე დიზაინს ეფუძნება, რითაც გრიპის დამტკიცებული ვაქცინა Flublok-ი შექმნეს. კომპანიამ ვაქცინის ცდების პირველი და მეორე ფაზა სექტემბერში დაიწყო. გეგმის მიხედვით, მე-3 ფაზა დეკემბერში უნდა დაიწყოს.იმედოვნებენ, რომ 2021 წლის შუა თვეებში ეცოდინებათ, ვაქცინა უსაფრთხო და ეფექტური არის თუ არა.
კომპანიამ კლინიკური ცდების დაწყებამდე ვაქცინის დისტრიბუციაზე რამდენიმე შეთანხმება უკვე დადო. ცდების წარმატებით დასრულების შემთხვევაში, ბრიტანეთის მთავრობა 60 მილიონ დოზას მიიღებს. აშშ მზადაა 100 მილიონი დოზისთვის 2.1 მილიარდი აშშ დოლარი გადაიხადოს. 18 სექტემბერს კომოანია ევროკავშირთან შეთანხმდა, რომ ვაქცინის დამტკიცების შემთხვევაში 300 მილიონ დოზას მიყიდის. კანადასთან მიღწეული შეთანხმებით - 72 მილიონ დოზას. Sanofi ასევე მზადაა ვაქცინების დიდი ნაწილი COVAX-ს გაუგზავნოს - საერთაშორისო გაერთიანებას, რათა ვაქცინა მსოფლიოში თანაბრად განაწილდეს.
ინფორმაცია 29 სექტემბერს განახლდა.
COVAXX (პირველი ფაზა)
ნიუ-იორკში არსებულ კომპანია COVAXX-ში შექმნეს ვაქცინა, რომელიც რამდენიმე ვირუსულ პროტეინს შეიცავს. 11 სექტემბერს ტაივანში მათ ვაქცინა ცდების პირველი ფაზისთვის დაარეგისტრირეს. კომპანიამ ბრაზილის მთავრობასთან უკვე მიაღწია შეთანხმებას, რომ ცდების მეორე და მესამე ფაზა ბრაზილიაში ჩაატარონ.
ინფორმაცია 15 სექტემბერს განახლდა.
University of Tübingen (პირველი ფაზა)
გაზაფხულზე გერმანიის ტიუბინგეის უნივერსიტეტში ორი ვირუსული პროტეინის რვა ნაწილისგან შექმნეს ვაქცინა და იმუნური სისტემისთვის ადიუვანტი. სექტემბერში მათ დაიწყეს ცდის პირველი ფაზა.
ინფორმაცია 15 სექტემბერს განახლდა.
SpyBiotech (პირველი ფაზა, მეორე ფაზა, კომბინირებული ფაზები)
SpyBiotech ოქსფორდის უნივერსიტეტის შვილობილი კომპანია იყო. კომპანიამ სექტემბერში ავსტრალიაში დაიწყო ვაქცინის ცდების პირველი და მეორე ფაზები. მკვლევარებმა ვაქცინა სხვადასხვა პროტეინით შექმნეს.
ინფორმაცია 24 სექტემბერს განახლდა.
West China Hospital of Sichuan University (პირველი ფაზა)
ივლისში სიჩუანის უნივერსიტეტის დასავლეთ ჩინეთის საავადმყოფოს მკვლევარებმა გამოაქვეყნეს კვლევა Nature-ში. ვაქცინა S პროტეინის RBD სეგმენტს შეიცავს და თაგვებს და მაიმუნებს კორონავირუსისგან იცავს. 24 აგვისტოს კომპანიამ მიიღო ნებართვა, რომ ვაქცინის ცდების პირველი ფაზა დაეწყო.
ინფორმაცია 27 აგვისტოს განახლდა.
Anhui Zhifei Longcom - Institute of Medical Biology at the Chinese Academy of Medical Sciences (მეორე ფაზა)
ივლისში ჩინურმა კომპანია Anhui Zhifei Longcom-მა დაიწყო ვაქცინის ცდების მეორე ფაზა. ვაქცინა არის კომბინაცია ვირუსული პროტეინებისა და ადიუვანტის, რომელიც იმუნური სისტემის სტიმულირებას ახდენს. კომპანია ჩუნცინის Zhifei Biological Products-ის ნაწილია და პარტნიორობს ჩინეთის მედიცინის მეცნიერების აკადემიასთან.
ინფორმაცია 10 ივლისს განახლდა.
ჩრდილოეთ კორეა
18 ივლისს ჩრდილოეთ კორეის მეცნიერებისა და ტექნოლოგიის სახელმწიფო საბჭოს ვებგვერდზე დააანონსეს კორონავირუსის ვაქცინის კლინიკური ცდების დაწყება. ვაქცინა ეფუძნება კორონავირუსის S პროტეინის ნაწილს. საბჭოში აცხადებენ, რომ ვაქცინა ცხოველებზე გამოსცადეს, თუმცა ამის შესახებ ინფორმაცია არ არის. გაურკვეველია, თუ რამდენად სანდო შეიძლება იყოს ჩრდილოეთ კორეის მიერ გავრცელებული ეს ინფორმაცია. ჩრდილოეთ კორეის მხარე ასევე ირწმუნება, რომ ვაქცინის ეფექტურობის გასაგებად, ცდები სხვა ქვეყანაში უნდა ჩატარდეს, რადგან “კორეის დემოკრატიულ სახალხო რესპუბლიკაში Covid-19-ის შემთხვევა არ არის”.
ინფორმაცია 20 ივლისს განახლდა.
Baylor College of Medicine logoTexas Children’s Hospital Center for Vaccine Development (პრეკილინიკური)
2002 წელს SARS-ის გავრცელების შემდეგ ბეილორის მედიცინის კოლეჯში მკვლევარებმა სამომავლოდ ვირუსის გავრცელების თავიდან არიდებისთვის ვაქცინის განვითარება დაიწყეს. დამაიმედებელი შედეგების მიუხედავად, კვლევას მხარდაჭერა აღარ ჰქონდა. როგორც ცნობილია, სტრუქტურულად SARS და Covid-19 ძალიან მსგავსი ვირუსები და ისინი ორივე კორონავირუსების ოჯახს მიეკუთვნება. ამის გამო, მკვლევარები ამ კვლევას ტეხასის ბავშვთა საავადმყოფოსთან ერთად დაუბრუნდნენ. მათი მიგნებებით, კორონავირუსის ვაქცინა თაგვებში ანტისხეულებს წამოქმნის. აგვისტოში ინდურ კომპანია Biological E-ში განაცხადეს, რომ პოტენციურად წელიწადში ვაქცინის 1 მილიონი დოზის დამზადება შეუძლიათ.
ინფორმაცია 27 აგვისტოს განახლდა.
University of Pittsburgh (პრეკლინიკური)
პიტსბურგის უნივერსიტეტში განვითარებული ვაქცინა PittCoVacc არის კანზე დასაკრავი, რომელსაც ზედაპირზე 400 პატარა ნემსი აქვს. საკრავის კანზე მოთავსების შემდეგ ვირუსის პროტეინები სხეულში შედის. ვაქცინის ცდების დაწყება 2020 წლის ბოლოს იგეგმება.
ინფორმაცია 27 აგვისტოს განახლდა.
სხვა პრეკლინიკური ვაქცინები
სხვა ვაქცინები, რომლებიც ვირუსის პროტეინებისგენ შედგება, ამჟამად პრეკლინიკურ ეტაპზე არიან: Adaptive Phage Therapeutics; AdaptVac and Bavarian Nordic; Applied Biotechnology Institute; Artes Biotech; Axon Neuroscience; BiOMVis and University of Trento; City College of New York and TechnoVax; EpiVax; GeoVax; Heat Biologics; IBio and CC-Pharming; Icosavax and University of Washington; ImmunoPrecise Antibodies; IMV; Instituto Butantan; Intravacc; IrsiCaixa; Izmir Biomedicine and Genome Center; National Autonomous University of Mexico; Navarrabiomed; NidoVax; OncoGen; Oragenics; OSE Immunotherapeutics; Osivax; PDS Biotechnology; Pontifical Catholic University of Chile; Saiba; SK Bioscience; Symvivo; University of Alberta; University of Georgia and EpiVax; University of Saskatchewan and VIDO-InterVac; University of Virginia; UNSAM-CONICET; Vaxform; Vaxil-Bio; VBI Vaccines; Verndari; VIDO-InterVac; Voltron Therapeutics; Walter Reed Army Institute of Research; Wyss Institute and Harvard University; Yisheng Biopharma
ინფორმაცია 25 სექტემბერს განახლდა.
ინაქტივირებული ან დასუსტებული ვაქცინები
ვაქცინები, რომლებიც დასუსტებული კორორავირუსებისგან ან იმ კორონავირუსებისგან შექმნეს, რომლებიც ქიმიკატებით უკვე მოკლეს
Research Institute for Biological Safety Problems (პირველი ფაზა)
ყაზახეთში კორონავირუსისგან შექმნილ ვაქცინაზე კვლევები ზაფხულში დაიწყეს. 28 აგვისტოს ბიოლოგიური უსაფრთხოების პრობლემების კვლევითმა ინსტიტუტმა QazCovid-მა ვაქცინის ცდის პირველი ფაზა დაარეგისტრირა.
ინფორმაცია 28 აგვისტოს განახლდა.
Sinovac (მესამე ფაზა, შეზღუდული გამოყენებისთვის დამტკიცებულია)
კერძო ჩინური კომპანია Sinovac Biotech-ი ცდის ინაქტიურ ვაქცინას სახელად CoronaVac-ი. 743 მოხალისეზე ივნისში ჩატარებული ცდების პირველი და მეორე ფაზის შედეგებით, ვაქცინას მწვავე გვერდითი ეფექტები არ ჰქონია და იმუნური პასუხი აჩვენა.
ამის შემდეგ, კომპანიამ ცდების მესამე ფაზა ბრაზილიაში ივლისში დაიწყო, ხოლო შემდეგ თურქეთში და ნდონეზიაში. 16 სექტემბერს ვაქცინის ცდების 1-ლი და მეორე ფაზა დაარეგისტრირეს - ამჯერად ვაქცინას ბავშვებზე გამოცდიან.
ჩინეთის მთავრობამ ვაქცინა შეზღუდული გამოყენებისთვის ივლისში დაამტკიცა. კომპანია ვაქცინების წარმოებისთვის ემზადება. Sinovac-მა ინდონეზიასთან შეთანხმებას მიაღწია, რომ 2021 წლის მარტამდე 40 მილიონი დოზით მოამარაგებს. სექტემბერში კომპანიის ხელმძღვანელმა, ინ ვეიტონგმა, განაცხადა, რომ კომპანია ვაქცინის მსოფლიო მასშტაბით დისტრიბუციის დაწყებას 2021 წლის დასაწყისისთვის გეგმავს.
ინფორმაცია 25 სექტემბერს განახლდა.
Wuhan Institute of Biological Products CO., LTD. (მესამე ფაზა, დამტკიცებულია შეზღუდული გამოყენებისთვის)
ბიოლოგიური პროდუქტების ვუხანის ინსტიტუტმა განავითარა ინქტივირებული ვირუსის ვაქცინა, რომლის კლინიკურად გამოცდა ჩინეთის სახელმწიფო კომპანია Sinopharm-მა დაიწყო. ცდების პირველმა და მეორე ფაზებმა აჩვენა, რომ ვაქცინა ანტისხეულებს წარმოქმნის. მოხალისეთა ნაწილს ვაქცინის მიღების შემდეგ სიცხე და სხვა გვერდითი ეფექტი ჰქონდა. ვაქცინის ცდის მესამე ფაზა არაბთა გაერთიანებულ საამიროებში ივლისში დაიწყეს, ხოლო პერუსა და მაროკოში - აგვისტოში. 12 სექტემბერს განაცხადეს, რომ ზაფხულში მთავრობამ ვაქცინა შეზღუდული გამოყენებისთვის დაამტკიცა, რათა ასობით ან ათასობით ადამიანი აცრილიყო. 14 სექტემბერს არაბთა გაერთიანებულმა საამიროებმა ვაქცინა საგანგებო გამოყენებისთვის დაამტკიცა, ამჯერად, მხოლოდ მედიკოსებისთვის.
ინფორმაცია 15 სექტემბერს განახლდა.
Sinopharm - Beijing Institute of Biological Products (მესამე ფაზა - დამტკიცებულია შეზღუდული გამოყენებისთვის)
კომპანია Sinopharm-ი კიდევ ერთ, ინაქტივირებული ვირუსის ვაქცინას ცდის. აღნიშნული ვაქცინა ბიოლოგიური პროდუქტების პეკინის ინსტიტუტმა განავითარა.
კომპანიამ არგენტინაში და არაბთა გაერთიანებულ საამიროებში ცდის მე-3 ფაზა დაიწყო. ზაფხულში მთავრობამ კომპანიას უფლება მისცა ასობით ათასი ადამიანი აეცრა ორი საცდელი ვაქცინით.
14 სექტებერს არაბთა გაერთიანებულმა საამიროებმა საგანგებოდ დაამტკიცა Sinopharm-ის ვაქცინა, ამჯერად მედიკოსებისთვის.
ინფორმაცია 24 სექტემბერს განახლდა.
Chinese Academy of Medical Sciences (მეორე ფაზა)
მედიცინის მეცნიერების ჩინური აკადემიის მედიცინის ბიოლოგიურ ინსტიტუტში ივნისში მკვლევარებმა დაიწყეს ინაქტივირებული ვირუსის ვაქცინის ცდების მეორე ფაზა.
ინფორმაცია 23 ივნისს განახლდა.
Indian Council of Medical Research - National Institute of Virology - Bharat Biotech
მედიცინის კვლევის ინდოეთის საბჭომ, ეროვნულ ვიროლოგიის ინსტიტუტთან და Bharat Biotech-თან შექმნა ვაქცინა Covaxin. ვაქცინა მაიმუნებს და ზაზუნებს იცავს დაინფიცირებისგან. კომპანიამ კლინიკური ცდები ივლისში დაიწყო და ვარაუდობენ, რომ 2021 წლის დასაწყისამდე არ დამტკიცდება.
ინფორმაცია 28 სექტემბერს განახლდა.
სხვა პრეკლინიკური ვაქცინები
სხვა ინაქტივირებულ ან შესუსტებულ კორონავირუსის ვაქცინებს აქტიურად ავითარებენ შემდეგ დაწესებულებებში - the Chumakov Center at the Russian Academy of Sciences; Codagenix; Valneva; Vivaldi Biosciences; Washington University; Western University.
ინფორმაცია 9 სექტემბერს განახლდა.
ვაქცინები, რომლებსაც სხვა დაავადებების საწინააღმდეგოდ იყენებენ და შესაძლოა, ახალი კორონავირუსის წინააღმდეგაც ეფექტური აღმოჩნდეს
Murdoch children’s research institute (მესამე ფაზა)
კალმეტ-გერენის ბაცილის ვაქცინა მე-20 საუკუნის დასაწყისში განავითარეს, რაც ტუბერკულიოზისგან იცავს. ავსტრალიაში მურდოჩის ბავშვთა კვლევითი ინსტიტუტი ვაქცინის გამოცდის მესამე ფაზას ატარებს, რათა გაიგონ, ვაქცინა ნაწილობრივ იცავს თუ არა ადამიანს კორონავირუსისგან.
სხვა დანიშნულების ვაქცინებზე ცდებს ატარებენ სხვადასხვა დაწესებულებები, რათა გაიგონ ახალი კორონავირუსის წინააღმდეგ ეფექტურია თუ არა. მათ შორის არიან: the Bandim Health Project; Hôpitaux de Paris; Louisiana State University Health Sciences Center New Orleans; the BADAS Study (Texas A&M University, Baylor College of Medicine, M.D. Anderson Cancer Center და Cedars-Sinai Medical Center); India’s National Institute for Research in Tuberculosis; BCG-CORONA (UMC Utrecht and Radboud University); University of Campinas; University Health Network, the Serum Institute of India, the Max Planck Institute for Infection Biology and Verity Pharmaceuticals; Oklahoma Medical Research Foundation და the University of Oklahoma; Vakzine Projekt Management.
ინფორმაცია 31 აგვისტოს განახლდა.
მასალა მომზადებულია NYT-ის მიხედვით.
