ხობის მუნიციპალიტეტში, სოფელ ნოჯიხევში, მატარებელი ქალს დაეჯახა. შემთხვევის შედეგად ქალი ადგილზევე გარდაიცვალა. უბედური შემთხვევა რამდენიმე საათის წინ მოხდა.
მომხდარი ტაბულას შსს-ში დაუდასტურეს. უწყების ცნობით, ფაქტზე გამოძიება სისხლის სამართლის კოდექსის 275-ე მუხლის მე-4 ნაწილით მიმდინარეობს, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოებისა ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
