საქართველოში აშშ-ს ელჩის მოვალეობის შემსრულებელმა ბრიჯიტ ბრინკმა ქართველ ჟურნალისტებთან პრეზიდენტ ბარაკ ობამას განცხადების შესახებ ისაუბრა. ობამამ ბრიუსელში ვიზიტის დროს აღნიშნა, რომ არც საქართველო და არც უკრაინა, ახლა ნატო-ს წევრობისაკენ მიმავალ გზაზე არ დგანან.
ბრიჯიტ ბრინკის განმარტებით, ბარაკ ობამას კომენტარი შეეხებოდა იმ გარემოებას, რომ ამ ეტაპზე საქართველოს ამოცანა გაწევრიანების სამოქმედო გეგმის მიღებაა და არა ახლავე ნატო-ში გაწევრიანება.
„ნატო-ს სამიტზე ალიანსი MAP-ის მინიჭების საკითხს აუცილებლად განიხილავს,“ - აღნიშნავს ბრინკი. როგორც ამერიკელი დიპლომატი ამბობს, შეერთებული შტატები საქართველოს ევროატლანტიკურ ინტეგრაციას, მათ შორის ნატო-ში გაწევრიანებას მხარს მტკიცედ უჭერს.
ბრიჯიტ ბრინკის კომენტარს „ინტერპრესნიუსი“ ავრცელებს.
![ივანიშვილის რეჟიმმა წაქცეული დიმიტრი ჩიქოვანი 5 კაცს აცემინა [VIDEO]](https://api.tabula.ge/files/styles/news_thumb_md/public/photos/2024/05/tavdamskhmelebi.png.jpg?itok=GH1wQ8N1)
