საპატრულო-გამტარი პუნქტი დარიალი შესაძლო მძიმე შედეგების თავიდან ასაცილებლად საგანგებო რეჟიმში იმუშავებს - ამის შესახებ განცხადებას საპატრულო დეპარტამენტი აკეთებს.
საპატრულო დეპარტამენტის განმარტავს, რომ საპატრულო პუნქტი დილის 6 საათიდან საღამოს 7 საათამდე იმუშავებს.
საგანგებო სამუშაო რეჟიმი განპირობებულია იმით, რომ ღამის პირობებში, ნულოვანი ხილვადობის დროს შეუძლებელია რისკის მქონე მონაკვეთების ვიზუალური გაკონტროლება - განმარტავს საპატრულო დეპარტამენტი.