ჰონგკონგში პოლიციამ დემონსტრანტთა მიერ ქალაქის ცენტრში დადგმული ბარიკადების დაშლა დაიწყო. მანამდე სამართალდამცველებმა აქციის მონაწილეებს დაშლისკენ მოუწოდეს, თუმცა მათი უმრავლესობა ამ მოთხოვნას არ დაემორჩილა.
დადგენილება ბარიკადების დემონტაჟის შესახებ სასამართლომ მიიღო. ამის მიუხედავად აქტივისტები პროტესტის გაგრძელებას აპირებენ. აქციები ჰონგკონგში ორი თვეა გრძელდება, დემონსტრანტები ჩინეთის ცენტრალური ხელისუფლების ადგილობრივ არჩევნებში ჩარევას აპროტესტებენ.
