კრიზისების მართვის საბჭოს ინფორმაციით, ჩუღურეთის რაიონში, ჩეჩელაშვილის ქ. #74-ში მდებარე საცხოვრებელი სახლის უკან მეწყერი ჩამოწვა.
დაზიანდა სახლის კედელი და სახურავი, დაბზარულია კედლებიც. საბჭოს ცნობით, სახლი მეწყრულ ზონაში მდებარეობს.
"ადგილზე მობილიზებული იყვნენ საპატრულო პოლიციის, სამაშველო სამსახურისა და დიდუბე-ჩუღურეთის გამგეობის წარმომადგენლები. დღეს ადგილზე იმყოფებიან გარემოს ეროვნული სააგენტოს გეოლოგები და სწავლობენ ვითარებას, რის შემდეგაც განხორციელდება შესაბამისი სამუშაოები", - ნათქვამია ოფიციალურ ინფორმაციაში.