თურქეთის მმართველმა სამართლიანობისა და განვითარების პარტიამ შესაძლოა, პარლამენტში უმრავლესობა კვლავ მოიპოვოს. დღეს ქვეყანაში ვადამდელი საპარლამენტო არჩევნები ჩატარდა. ამ დროისთვის, ხმების 97%-ია დათვლილი. თურქეთის პრემიერმინისტრმა აჰმეთ დავითოღლუმ არჩევნებში გამარჯვების შესახებ უკვე განაცხადა.
ადგილობრივი მედიის ინფორმაციით, პრეზიდენტ რეჯეფ ტაიპ ერდოღანის პარტიას ამ დროისთვის 49.4% აქვს, მის მთავარ ოპონენტს, სახალხო რესპუბლიკურ პარტიას კი - 25.4%.
BBC-ის ცნობით, პრო-ქურთულმა და ნაციონალისტურმა პარტიებმა 10%-იანი ბარიერი გადალახეს და მათ პარლამენტში ადგილები შეხვდებათ.
აღსანიშნავია, რომ თურქეთში კოალიციური მთავრობის ჩამოყალიბების მცდელობებმა ივნისში მარცხი განიცადა.