ეროვნულ-დემოკრატიული ინსტიტუტი (NDI) აპრილში ჩატარებული საზოგადოებრივი აზრის გამოკითხვის შედეგების პოლიტიკურ ნაწილს აქვეყნებს.
პრეზიდენტ გიორგი მარგველაშვილის საქმიანობას მოსახლეობის 27% იწონებს, იწუნებს 15%, 50% კი საშუალოდ აფასებს.
პრემიერმინისტრ გიორგი კვირიკაშვილის საქმიანობა 25%-ს მოსწონს, 14%-ს პირიქით.
პარლამენტის თავმჯდომარის ირაკლი კობახიძის მუშაობა კი 15%-ს მოსწონს, 21% უარყოფითად აფასებს.
თბილისის მერის, დავით ნარმანიას მუშაობა მოსწონს 8%-ს, 52% იწუნებს.
კვლევის საველე სამუშაოები ჩატარდა 7-28 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2493 პირისპირ ინტერვიუს წარმომადგელობითი შერჩევის საფუძველზე. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო. საშუალო ცდომილების ზღვარი +/- 2.7%-ია.
