Björk-ის თბილისში გასამართი კონცეტრების ორგანიზატორები აღნიშნავენ, რომ ლეგენდარული ისლანდიელი მუსიკოსის მოსასმენად მსოფლიოს 25 ქვეყნიდან ჩამოვლენ, რაც რეკორდული მაჩვენებელია.
ორგანიზატორები მიუთითებენ, რომ გაყიდული ბილეთების 16% სწორედ უცხო ქვეყნებზე მოდის, ამასთან, თბილისში დასასწრები კონცერტის ბილეთები ისტორიაში პირველად შეიძინეს მადაგასკარსა და მავრიტანიაში.
3 ნოემბერს, ოპერისა და ბალეტის თეატრში დაგეგმილ კონცერტზე დასწრების მსურველთა მონაცემები ასეთია:
- საქართველო - 83, 93 %
- რუსეთი - 6, 74%
- აზერბაიჯანი -1,39
- სომხეთი - 1,29%
- გერმანია - 0,83%
- დიდი ბრიტანეთი -0,65%
- ისრაელი - 0,65%
- თურქეთი - 0,55%
- უკრაინა - 0,55%
- ყაზახეთი - 0,46%
- არაბთა გაერთიანებული საემიროები - 0,28%
- ბელგია - 0,28%
- ჰოლანდია - 0,28%
- ამერიკის შეერთებული შტატები - 0,28%
- ჩინეთი - 0,18%
- საფრანგეთი - 0,18%
- საბერძნეთი - 0,18%
- იტალია - 0,18%
- სამხრეთ კორეა - 0,18%
- მავრიტანია - 0,18%
- პოლონეთი - 0,18%
- სერბეთი - 0,18%
- ავსტრია - 0,09%
- ბელორუსი - 0,09%
- ესპანეთი - 0,09%
- მადაგასკარი - 0.09%
ამ დრომდე იყიდება 31 ოქტომბრის კონცერტის ბილეთები, რომელიც თბილისის ფილარმონიაში უნდა გაიმართოს.
ბიორკი თბილისის კონცერტებზე სიმღერებს თავისი მერვე ალბომიდან, Vulnicura-დან შეასრულებს. შესაძლებელია მომღერალმა შეასრულოს მისი ძველი სიმღერებიც.
ასევე, საქართველოში ისლანდიელი მუსიკოსი საქართველოში ყოფნის პერიოდში მუსიკალურ ექსპედიციაში გაემგზავრება და ზემო აჭარაში, გურიაში, სვანეთსა და კახეთში ჩავა.
