სენაკი-ფოთი-სარფის საავტომობილო გზაზე მოძრაობა თავისუფალია
საავტომობილო გზების დეპარტამენტის ინფორმაციით, ჩატარებული ინტენსიური გაწმენდითი სამუშაოების შედეგად, საერთაშორისო მნიშვნელობის სენაკი-ფოთი-სარფის საავტომობილო გზის 118-ე კმ-ზე ავტოტრანსპორტის მოძრაობა აღდგენილია.
ცნობისთვის, გუშინ ღამით, სენაკი-ფოთი-სარფის საავტომობილო გზაზე დიდი მოცულობის კლდის მასა ჩამოიშალა, რის გამოც ყველა სახის ავტოტრანსპორტის მოძრაობა აიკრძალა.
ინტერპრესნიუსი თვითმხილველებზე დაყრდნობით წერს, რომ ქვის ლოდები გზაზე მიმავალ სატვირთო ავტომობილს დაეცა. შემთხვევის შედეგად არავინ დაშავებულა.