უკრაინის პარტია "სამოქალაქო მოძრაობის" ლიდერი და პრეზიდენტობის კანდიდატი ანატოლი გრიცენკო არჩევნებში გამარჯვების შემთხვევაში, ოდესის ყოფილ გუბერნატორს, მიხეილ სააკაშვილს უკრაინის მოქალაქეობის დაბრუნებას ჰპირდება.
ამის შესახებ გრიცენკომ რადიო НВ-ის ეთერში თქვა.
"ვფიქრობ, სააკაშვილს უხეშად და უკანონოდ მოექცნენ. სახელმწიფომ მარტივად არ უნდა მისცეს და წაართვას პასპორტი ადამიანს. თუმცა, უკრაინის მოქალაქეობის აღდგენის სურვილი სააკაშვილის სააკაშვილს უნდა ჰქონდეს",- ამბობს გრიცენკო.
შეგახსენებთ, რომ მიხეილ სააკაშვილს უკრაინის მოქალაქეობა 2017 წელს ჩამოერთვა.
უკრაინაში საპრეზიდენტო არჩევნები 2019 წლის 31 მარტს გაიმართება.