შეკვეთილში, ბიძინა ივანიშვილის სახლთან 2 მოშიმშილე შეუძლოდ გახდა.
შიმშილობის მე-19 დღეს მინდია ადაძე და მარად შავაძე სასწრაფო დახმარების ბრიგადამ ფოთის ჰოსპიტალში გადაიყვანა.
მოშიმშილეები პროტესტის უკიდურესი ფორმით გიორგი გახარიას შს მინისტრის პოსტიდან გადადგომას ითხოვდნენ.
"მათი მდგომარეობა დამაკმაყოფილებელია, თუმცა იქიდან გამომდინარე, რომ ამდენი დღეა შიმშილობენ, აქვთ ზოგადი სისუსტე. პირველადი დახმარება ჩვენ ადგილზე გავუწიეთ, მაგრამ დანარჩენი სტაბილიზაციისთვის გადმოვიყვანეთ კლინიკაში. თერმოდინამიკა ნორმაში აქვთ",- უთხრა ინტერპრესნიუსს ფოთის სასწრაფო-სამედიცინო დახმარების მორიგე ექიმმა, ნანა რირუამ.
შეკვეთილში ბიძინა ივანიშვილის სახლთან გიორგი გახარაიას გადადგომის მოთხოვნით პერმანენტული აქციები იმართება.
