თუშეთი-ომალოს გზაზე ჩამოწოლილი მეწყერის ქვეშ ორი ადამიანი მოჰყვა. ერთერთი მათგანი ამოიყვანეს, მისი ჯანმრთელობის მდგომარეობა სტაბილურია, იგი საავადმყოფოშია გადაყვანილი.
რაც შეეხება მეორე ადამიანს, მას მაშველები ამ დრომდე ეძებენ.
უბედური შემთხვევა დღეს, 5 მაისს, დღის მეორე ნახევარში მოხდა.
როგორც ცნობილია, ზვავში მოყოლილი პირები ტრაქტორისტები არიან, რომლებიც ადგილზე გზის გაწმენდის სამუშაოებს ატარებდნენ.
შემთხვევის ადგილზე 5 სახანძრო-სამაშველო ბრიგადაა მობილიზებული.