მარიამ ჯაშის პარტიამ "ჩვენი საქართველო - სოლიდარობის ალიანსი" საარჩევნო დაპირებები გამოაქვეყნა.
"ჩვენი საქართველო - სოლიდარობის ალიანსი" ამომრჩეველს ჰპირდება:
- საქართველოში დაწესდება მინიმალური ხელფასი 500 ლარის ოდენობით და ღირსეული შრომის პირობები შეექმნება ყველა ჩვენს მოქალაქეს და ამოქმედდება უმუშევრობის დაზღვევის სისტემა.
- 500 000 ადამიანს, რომელსაც დღეს 1000 ლარზე ნაკლები შემოსავალი აქვს, გაუნახევრდება 20%-იანი საშემოსავლო გადასახადი.
- ყველა დევნილს ექნება საკუთარი ბინა და არც ერთი ოჯახი არ დარჩება ხელმისაწვდომი ღირსეული საცხოვრისის გარეშე .
- გაძლიერდება მრეწველობა და სოფლის მეურნეობა.
- გაიზრდება ინვესტიციები განათლებაში, მეცნიერებასა და კულტურაში.
- პენსიონერებისათვის გაიაფდება წამლები და მათ მიეცემათ საშუალება, რომ კვლავაც აქტიურად იყვნენ ჩართული საზოგადოებრივ ცხოვრებაში.
- შეიქმნება პირობები, რომ საზღვარგარეთ მცხოვრებ ჩვენ თანამემამულეებს გაუმარტივდეთ ცხოვრება და საქართველოში დაბრუნება.
- ხელახლა მოხდება უზენაესი სასამართლოს წევრების არჩევა და გადაიხედება ყველა იმ ოჯახის საპროცესო შეთანხმება, რომელთაც უკანონოდ ჩამოერთვა ქონება და ბიზნესი 2004 წლიდან.
- დაჩქარდება საქართველოს ევრო-ატლანტიკურ სტრუქტურებში ინტეგრაცია.
- დეოკუპაციის გზაზე სახალხო დიპლომატიის გაძლიერებით ხელი შეეწყობა „დიდ შერიგებას“ აფხაზ და ოს ოჯახებთან.
პარტიას თბილისის ყველა ოლქში თავისი კანდიდატი ჰყავს:
- ჯაბა ჯიშკარიანი - მთაწმინდა-კრწანისი
- ბექა ნაცვლიშვილი - ვაკე
- ლევან გოგიჩაიშვილი - საბურთალო
- გედევან ფოფხაძე - დიდუბე-ჩუღურეთი
- რამაზ ბლუაშვილი - ისანი
- ზვიად თავაძე - ნაძალადევი
- სანდრო რიჟამაძე - სამგორი
- ლაშა გიორგაძე - გლდანი
