აშშ-ს სახელმწიფო დეპარტამენტმა რიგაში NATO-ს მინისტერიალის დაწყებამდე განცხადება გამოაქვეყნა. განცხადებაში საუბარია NATO-ს ღია კარის პოლიტიკის მნიშვნელობაზე.
"NATO-ს ლიდერები არიან NATO-ს ღია კარის პოლიტიკის ერთგულები, რომელიც უზრუნველყოფს გზას წევრობამდე ნებისმიერი ევროპული ქვეყნისთვის, რომელიც ჩვენს ღირებულებებს იზიარებს და აკმაყოფილებს საჭირო პასუხისმგებლობებსა და ვალდებულებებს. NATO-ს სამიტზე ივნისში ჩვენ კვლავ დავადასტურეთ ჩვენი ერთიანობა ამ საკითხში." - აღნიშნულია განცხადებაში.
სახელმწიფო დეპარტამენტის განცხადების თანახმად, აშშ აგრძელებს 2008 წლის გადაწყვეტილების მხარდაჭერას, რომ საქართველო და უკრაინა გახდებიან NATO-ს წევრები.
"ამერიკის შეერთებული შტატები აგრძელებს 2008 წელს ბუქარესტის სამიტზე მიღებულ და მას შემდეგ რამდენჯერმე, 2021 წელს ბრიუსელის სამიტზეც ხელახლა დადასტურებულ გადაწყვეტილების მხარდაჭერას, რომ საქართველო და უკრაინა გახდებიან NATO-ს წევრები. ამ ქვეყნების წლიური ეროვნული პროგრამები დეტალურად აღწერს წევრობამდე მიმავალ გზას.
ორივე საქართველოც და უკრაინაც უკვე არიან გაძლიერებული შესაძლებლობების პარტნიორობის წევრები, რაც აძლიერებს მათ თავსებადობას და სასწავლო შესაძლებლობებს NATO-ს მოკავშირეებთან ერთად" - ნათქვამია განცხადებაში.
NATO-ს მინისტერიალი ლატვიის დედაქალაქ რიგაში 30 ნოემბერსა და პირველ დეკემბერს ჩატარდება.