ლატვიის პრემიერმინისტრის, კრიშიანის კარინშის თქმით, საბრძოლო მოქმედებების დასრულებისთანავე უკრაინა NATO-ს წევრი ქვეყანა უნდა გახდეს.
"ერთადერთი გზა რუსეთის შესაკავებლად უკრაინის NATO-ში გაწევრიანებაა, რასაც თან მოჰყვება ყველა ის უსაფრთხოების გარანტი, რომელიც ამ პროცესს თან სდევს". - აღნიშნა ლატვიის პრემიერმინისტრმა.
კრიშიანის კარინშის თქმით, პარტნიორების მხარდაჭერით უკრაინა ამ ომს მოიგებს. საბრძოლო მოქმედებების დასრულებამდე უკრაინის NATO-ში გაწევრიანება ვერ მოხერხდება, ვინაიდან ეს ალიანსის წევრი ქვეყნების ომში ჩართვასაც ნიშნავს.
