5 ადამიანის მკვლელობაში ბრალდებული კაცი, ფრანცისკო ოროპესი რამდენიმედღიანი ძებნის შემდეგ დააკავეს. პოლიციის ცნობით, ის ერთ-ერთ შენობაში, კარადაში იმალებოდა.
28 აპრილს, ტეხასში სროლის შედეგად 5 ადამიანი დაიღუპა. ადგილობრივი პოლიციის თქმით, კაცმა 5 მეზობელი მას შემდეგ მოკლა, რაც მათთან ნახევრად ავტომატური იარაღის გამოყენების გამო იკამათა.
ადგილობრივი შერიფის, გრეგ კაპერსის თქმით, დაღუპულთა შორის 8 წლის ბავშვი და ორი ქალია, რომლებიც გადარჩენილი ბავშვების ზევიდან იწვნენ. შერიფის თქმით, ისინი ბავშვებზე ზრუნვას და მათი სიცოცხლის გადარჩენას ცდილობდნენ.
აშშ-ს დაავადებათა კონტროლისა და პრევენციის ცენტრის თანახმად, ცეცხლსასროლი იარაღის ინციდენტები აშშ-ში ბავშვებისა და მოზარდების სიკვდილის მთავარი მიზეზია.
