საბერძნეთის ხელახლა გამართულ საპარლამენტო არჩევნებში მმართველმა პარტიამ, რომელის ლიდერიც პრემიერმინისტრი კირიაკოს მიცოტაკისია, კიდევ ერთი გამარჯვება მოიპოვა და პარლამენტის უმრავლესობას მომდევნო 4-წლით დააკომპლექტებს.
დათვლილია ამომრჩეველთა ხმების 91%, რომლის მიხედვითაც, მმართველი მემარჯვენე-ცენტრისტული პარტია ახალი დემოკრატია 40.5%-ს ფლობს და 300-წევრიან პარლამენტში 158 ადგილს დაიკავებს.
მეორე ადგილზეა ოპოზიციურმა მემარცხენე პარტია სირიზა, რომელმაც ამომრჩეველთა ხმების 18% მიიღო.
არჩევნები ახალი წესით ჩატარდა, რომლის მიხედვითაც გამარჯვებული პარტია ავტომატურად დამატებით იღებს 20 მანდატს პარლამენტში.
ეს წესი საბერძნეთში მაისში გამართული საპარლამენტო არჩევნების დროს ჯერ კიდევ არ მოქმედებდა. მმართველმა პარტიამ მაშინაც 40% მიიღო, თუმცა ეს საკმარისი არ აღმოჩნდა უმრავლესობის დაკომპლექტებისთვის, ხოლო პრეზიდენტ კატერინა საკელაპოლოუს წინადადებაზე, რომ სამ დიდ პარტიას შეექმნა კოალიცია, პარტიებმა უარი განაცხადეს. მას მერე, საბერძნეთს დროებითი კაბინეტი მართავს.