ზუგდიდში 13 წლის მოზარდი ორსულად არის. შინაგან საქმეთა სამინისტრომ სექსუალური დანაშაულის ბრალდებით 48 წლის კაცი დააკავა.
ტაბულას ინფორმაციით, მოზარდის ორსულობა კლინიკაში გადაყვანის შემდეგ დადგინდა.
როგორც ტაბულას შინაგან საქმეთა სამინისტროში უთხრეს, გამოძიება სისხლის სამართლის კოდექსის 140-ე მუხლით მიმდინარეობს, რაც 16 წლის ასაკს მიუღწეველის სხეულში სექსუალური ხასიათის შეღწევას გულისხმობს.
