Українська правда საქართველოს ექსპრეზიდენტ მიხეილ სააკაშვილის წერილს "ჩემი პერსპექტივები ალექსეი ნავალნის მკვლელობის შემდეგ" აქვეყნებს.
"2022 წლამდე პუტინი მე და ნავალნის თანაბრად საშიშად მიგვიჩნევდა. ორივე მის კლანჭებში ჩავვარდით.
უახლესი წარსულის უმეტეს ნაწილში ალექსეი ნავალნის მიმართ მოწონებით არ ვყოფილვარ განწყობილი. ჩემთვის შეურაცხმყოფელი იყო მისი პოზიცია 2008 წელს, ყირიმის ანექსიის შემდეგ რუსეთის საქართველოს თავდასხმაზე.
მაგრამ ადამიანებს შეუძლიათ, შეიცვალონ. ნავალნის პოზიციაც შეიცვალა, განსაკუთრებით მისი მოწამვლისა და რუსეთში გმირულად დაბრუნების შემდეგ.
მან თავიდანვე დაგმო უკრაინაში სრულმასშტაბიანი შეჭრა და მის თავიდანვე მხარს უჭერდა უკრაინის ტერიტორიული მთლიანობის შენარჩუნებას საერთაშორისო საზოგადოების მიერ აღიარებულ საზღვრებში.
მას შემდეგ, რაც უკრაინაში შეჭრიდან რამდენიმე დღეში ქართულ ციხეში მძიმე მეტალებით მომწამლეს, მანამდე კი ტელევიზიით აჩვენეს ჩემი ცემა და დამცირება, ნავალნიმ საჯაროდ ბოდიში მოუხადა ქართველ ხალხს 2008 წელს მისი განცხადების გამო და ასევე მოუწოდა, შეეწყვიტათ ჩემს მიმართ არაადამიანური მოპყრობა.
ვიცი, რომ ბევრ უკრაინელსა და ქართველს ჯერაც არ უპატიებია, მაგრამ მაინც მჯერა, რომ მის ვითარებაში პოზიციების ასეთი ცვლილებების გამოხატვა დამატებით გამბედაობას მოითხოვს.
ერთ დროს პუტინი თავის მთავარ მტრად მიმიჩნევდა პოსტსაბჭოთა სივრცეში (ბუნებრივია, ვოლოდიმირ ზელენსკი ახლა თამამად ლიდერობს ამ კატეგორიაში), ნავალნის კი - რუსეთის შიგნით.
მეტიც, პუტინმა უარი თქვა ალექსეისთვის გვარით მიმართვაზე, მას რუსი "სააკაშვილი" უწოდა. ამგვარად, 2017 წელს გამართულ პრესკონფერენციაზე პუტინმა ნავალნის შესახებ დასმულ შეკითხვაზე საპასუხოდ თქვა: "არ მინდა სააკაშვილებმა რუსეთის სახურავებსა და მოედნებზე ირბინონ".
ჩემს აწმყოს რაც შეეხება, 2008 წელს მან პირობა მისცა სარკოზის, რომ კვერცხებით დამკიდებდა.
მუქარა, რომელიც მან მოგვიანებით პრესკონფერენციებზეც გაიმეორა. ანუ მე ერთადერთი ადამიანი ვარ მსოფლიოში, ვისი მოკვლის პირობაც პუტინმა დადო და რომელიც ჯერ კიდევ ცოცხალია.
საქართველოს ხელისუფლება და განსაკუთრებით უშიშროების ძალები მთლიანად რუსული სპეცსამსახურების კონტროლის ქვეშ არიან. ახლახან მოვუსმინე ევგენია კარა-მურზას ინტერვიუს და აღმოჩნდა, რომ სიმპტომები, რომლებიც მის ქმარს ჰქონდა მოწამვლის შემდეგ, 100%-ით მსგავსი იყო ჩემი სიმპტომებისა.
სწორედ ამიტომ ითხოვენ ჩემს გათავისუფლებას უკრაინა, საფრანგეთი, პოლონეთი, ლიტვა და ევროპარლამენტი. ამას ითხოვს ქართველი ხალხის უმრავლესობაც, მაგრამ ამ ყველაფერს ჯერჯერობით მოსკოვთან სრულად დაკავშირებული რუსულ-ქართველი ოლიგარქის, ივანიშვილის წინააღმდეგობა არღვევს.
ჩემი ხსნა დამოკიდებულია უკრაინის შეიარაღებული ძალების წარმატებაზე და მე ვარ ერთ-ერთი იმ მრავალთაგან, ვინც ბოროტების კლანჭებში ჩავარდა". - ნათქვამია წერილში.
