ზაჰესის იზოლატორში შემოყვანილია 6 პირი, მოვინახულე ექვსივე. მათგან ორი მიუთითებს ფიზიკურ დაზიანებებზე, რაზეც ახსნა-განმარტებას არკვევს ჩვენი წარმომადგენელი და ჩვენ ამ ინფორმაციას გადავუგზავნით სპეციალურ საგამოძიებო სამსახურს და მივადევნებთ თვალყურს გამოძიების პროცესს. ჩვენი წარმომადგენლები მთელი ღამის განმავლობაში იმყოფებოდნენ წინასწარი დაკავების დაწესებულებეთან და არკვევდნენ მათ მდგომარეობას და ადგილსამყოფელს. ვიცით, რომ ერთი ადამიანი გადაყვანილია ბოკერიას სახელობის კლინიკაში, სადაც ჩვენი წარმომადგენელი იმყოფება და მისი ჯანმრთელობის შესახებ დამატებით ინფორმაციას საზოგადოებას მივაწვდით. აქედან მივდივარ დიღმის იზოლატორში, სადაც პირადად შევხვდები და გავესაუბრები დაკავებულებს. მინდა პირველი წყაროსგან მქონდეს ინფორმაცია, რა გარემოებაში მოხდა მათი დაკავება და ის ვინც მიუთითებს ფიზიკურ დაზიანებაზე, რა გარემოებაში მიიღეს ეს დაზიანება.
რუსული კანონი
იოსელიანი: ზაჰესის იზოლატორში 6 პირი მოვინახულე, ორი მიუთითებს ფიზიკურ დაზიანებაზე
