ბათუმში, მოჭიდავე მინდია ოჯახიშვილი იარაღის უკანანო შეძენა, შენახვა, ტარებისთვის დააკავეს. ბრალდებულის ახლობლების მტკიცებით, სპორტსმენს იარაღი სამართალდამცველებმა ჩაუდეს. მათივე თქმით, ოჯახიშვილს დაკავების დროს პოლიციელებმა სცემეს, რის გამოც საავადმყოფოში გადაიყვანეს.
როგორც შსს-ში ტაბულას უთხრეს, დაკავებისას მოჭიდავე ბათუმის რეფერალურ საავადმყოფოში თავის ტკივილის გამო მოათავსეს. ოჯახიშვილი ახლა წინასწარი დაკავების იზოლატორში იმყოფება.
უწყებისვე ცნობით, გამოძიება დაწყებულია სისხლის სამართლის კოდექსის 236-ე მუხლით, რაც იარაღის უკანონო შეძენა, შენახვა, ტარებას გულისხმობს.
