თბილისში, ონკოლოგიური საავადმყოფოს ეზოდან, საქართველოში ონკოლოგიური ცენტრის დამფუძნებლის ლუარსაბ შარაშენიძის ბიუსტი მოიპარეს.
როგორც ტაბულას შინაგან საქმეთა სამინისტროში უთხრეს, გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს. უწყების ცნობით, მიმდინარეობს საგამოძიებო მოქმედებები.
სსკ-ის 177-ე მუხლით გათვალისწინებული დანაშაული ისჯება ჯარიმით ან თავისუფლების შეზღუდვით ვადით ერთიდან სამ წლამდე ან/და თავისუფლების აღკვეთით იმავე ვადით.