ოკეანისა და ატმოსფეროს კვლევის ეროვნული ადმინისტრაცია(NOAA) ვიდეორუკას ავრცელებს, რომელზეც აღბეჭდილია ყველა სიმძლავრის მიწისძვრა მომხდარი 2001 წლის 1 იანვრიდან 2015 წლის 31 დეკემბრამდე პერიოდში.
რუკაზე ფერად წრეებად მიწისძვრების ეპიცენტრებია მონიშნული. წრეების ზომა სიმძლავრეს, ხოლო შესაბამისი ფერები სიღრმეს განსაზღვრავენ.
ანიმაციის დასასრულს ნახავთ მხოლოდ ძლიერ, 6.5-ზე მეტი მაგნიტუდის მიწისძვრებს.
აღსანიშნავია, რომ ერთ-ერთი ყველაზე ძლიერი მიწისძვრა ბოლო პერიოდში 2011 წელს მოხდა. 9-ბალიანმა მიწისძვრამ იაპონიის ჩრდილოაღმოსავლეთში დაახლოებით 16 000 ადამიანი იმსხვერპლა.
ფოტო: AFP
