საქსტატმა 2016 წლის მესამე კვარტლის ეკონომიკური ზრდის მაჩვენებელი გამოაქვეყნა. სტატისტიკის ბიუროს ცნობით, 2016 წლის მეორე კვარტალში საქართველოს ეკონომიკა წინა წელთან შედარებით 2.3%-ით გაიზარდა. ამ პერიოდში საქართველოს ეკონომიკის ზომამ 8.7 მილიარდი ლარი შეადგინა.
ყველაზე სწრაფად მზარდი სექტორების ხუთეული:
- სასტუმროები და რესტორნები - 13.4%
- საფინანსო სექტორი - 9.8%
- ოპერაციები უძრავი ქონებით - 7.5%
- შინამეურნეობების საქმიანობა - 6.5%
- ფინანსური შუამავლობა - 5.6%
ყველაზე ნელა მზარდი სექტორების ხუთეული:
- შინამეურნეობათა საქმიანობა საკუთარი მოხმარებისთვის - (-5.1%)
- ტრანსპორტი - (-4.2%)
- კავშირგაბმულობა - (-0.5%)
- სოფლის მეურნეობა - (-0.1%)
- ჯანდაცვა - 0.3%
ბიუჯეტით წელს 3%-იანი ეკონომიკური ზრდის მიღწევაა დაგეგმილი. გასულ წელს ზრდა 2.8% იყო, 2017 წელს კი მთავრობა 4%-იანი ზრდის მიღწევას გეგმავს.
საქართველოს ეკონომიკური ზრდა 2010 წლიდან მოყოლებული საშუალოდ 6.1%-ს შეადგენდა, თუმცა, 2013 წლიდან მისი ტემპი დამუხრუჭდა და დაგეგმილი 6%-ის ნაცვლად 3.3% შეადგინა. 2014 წელს მთავრობას 5%-იანი ეკონომიკური ზრდა ჰქონდა დაგეგმილი, თუმცა, ეკონომიკური მაჩვენებლების გაუარესების გამო, მან 0.4%-ით ნაკლები შეადგინა. 2015 წელს კი, ეკონომიკური ზრდა 2.8% იყო, რაც მთავრობის გეგმას 0.8%-ით აღემატებოდა.