საქართველოს კათოლიკოს-პატრიარქ ილია მეორეს ორშაბათს ნაღვლის ბუშტის ოპერაციას გაუკეთებენ - ამის შესახებ ტაბულას ინფორმაცია საქართველოს საპატრიარქოში დაუდასტურეს.
"დღეს იყო დაგეგმილი ოპერაცია, მერე თქვეს, რომ თითქოს მოუმზადებლობის გამო ორშაბათისთვის გადაიწია", - უთხრეს ტაბულას საპატრიარქოში.
ილია მეორე სამკურნალოდ გერმანიაში 2 თებერვალს გაემგზავრა.
საპატრიარქოს ჯანმრთელობის დაცვის დეპარტამენტის თავმჯდომარის მოადგილემ, ცისანა შარტავამ პატრიარქის გერმანიაში გამგზავრებამდე თქვა, რომ "გამოკვლევების საფუძველზე გამოიკვეთა, რომ ნაღვლის ბუშტში ანთებითი პროცესი გამწვავდა და მოსალოდნელია ამ ანთების შემდგომი გართულება".
