წმიდა სინოდის სხდომა

"ერთსულოვნების" თანამშრომლები პატრიარქს მეუფე პეტრეს დირექტორად დატოვებას სთხოვენ

0 კომენტარი
ფოტო: fb.com/ertsulovnebatv

საპატრიარქოს ტელევიზია „ერთსულოვნების“ თანამშრომლები კათოლიკოს-პატრიარქს ტელევიზიის დირექტორის თანამდებობაზე მიტროპოლიტ პეტრე ცაავას დატოვებას სთხოვენ.

„მიუხედავად ჩვენი გულისტკივილისა, ვასრულებთ მეუფე პეტრეს ლოცვა-კურთხევას და მხოლოდ ამ მოკრძალებული სახით გამოვხატავთ ჩვენს პოზიციას. ამავე დროს გამოვთქვამთ უდიდეს პატივისცემასა და მადლიერებას მიტროპოლიტ პეტრესადმი, რომელიც რვა წლის განმავლობაში ღირსეულად მართავდა ტელევიზიას … უმორჩილესად ვთხოვთ სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს, გაითვალისწინოს ტელეკომპანიის თითოეული თანამშრომლის უდიდესი სურვილი და საპატრიარქოს ტელევიზია „ერთსულოვნების“ დირექტორის თანამდებობაზე დატოვოს ჭყონდიდელი მიტროპოლიტი პეტრე”, - ნათქვამია განცხადებაში, რომელსაც „ერთსულოვნების“ თანამშრომლები ავრცელებენ.

მიტროპოლიტმა პეტრე ცაავამ დღეს გამართული სინოდის სხდომის დატოვების შემდეგ ჟურნალისტებს უთხრა, რომ მას აქტიურობის გამო უსაყვედურეს და ტელევიზიის გენერალური დირექტორის თანამდებობიდან გაათავისუფლეს.

ახალი ვიდეო მეტი ვიდეო

VIDEO: რუსი ჟურნალისტი, ალეკსანდრ ნევზოროვი განდაგანას ფონზე მაისურს GEORGIA-ს აწერს

კომენტარები