დღეს, 21 მარტს მსოფლიო დაუნის სინდრომის დღეს აღნიშნავს. 2017 წელს ამ დღესთან დაკავშირებული ცნობიერების ამაღლების კამპანია მიმდინარეობს სლოგანით - "ჩემი ხმა საზოგადოებაში".
21 მარტი, დაუნის სინდრომის მსოფლიო დღედ გაერთიანებული ერების ორგანიზაციის ეგიდით 2011 წლის 10 ნოემბერს დაწესდა.
აუცილებელია, გვახსოვდეს:
- დაუნის სინდრომით ყოველი 800-დან ერთი ბავშვი იბადება.
- დაუნის სინდრომის მქონე ბავშვი შესაძლოა ეყოლოს ნებისმიერ ადამიანს.
- დაუნის სინდრომი არ არის დაავადება, ეს გენეტიკური ცვლილებაა.
- დაუნის სინდრომი არც მემკვიდრეობითია და არც გადამდები.
- დაუნი არ შეიძლება გამოიყენებოდეს დამაკნინებელ სიტყვად - დაუნი არის მეცნიერის გვარი, რომელმაც პირველმა აღწერა ეს სინდრომი.