შრი ლანკაში წყალდიდობის შედეგად სულ მცირე 151 ადამიანი დაიღუპა. 100-ზე მეტი კი ამ დრომდე დაკარგულად ითვლება.
ქვეყნის დასავლეთ ნაწილში წყალდიდობა ძლიერმა წვიმებმა გამოიწვია, რასაც რამდენიმე დასახლებაში მეწყერის ჩამოწოლაც მოყვა.
დაზარალებულ რეგიონებში სამაშველო ოპერაციები მიმდინარეობს. ოპერაციებში მონაწილეობს 2000-ზე მეტი სამხედროც.
სტიქიის გამო ნახევარ მილიონზე მეტი ადამიანის ევაკუაცია მოხდა.
ინდოეთის ოკეანის ზონაში 2003 წლის მერე მსგავსი მასშტაბის სტიქია არ მომხდარა.