დღეიდან საქართველოს ეროვნულმა ბანკმა 5 ლარის ნომინალის განახლებული ბანკნოტი გაუშვა. ახალი 5 ლარიანით სებ-ი 2016 წელს დაწყებულ ფულის ნიშნების განახლების პროექტს აგრძელებს.
განახლებული 5 ლარი, წინა მხარე
ფოტო: ფოტო:ტაბულა
უკანა მხარე
ფოტო: ფოტო:ტაბულა
განახლებულ ბანკნოტზე შენარჩუნებულია თავდაპირველი თემატიკა: წინა მხარეს გამოსახულია ივანე ჯავახიშვილის სახელობის თბილისის სახელმწიფო უნივერსიტეტი, ივანე ჯავახიშვილის განსხვავებული პორტრეტი გაუმჯობესებული რელიეფურობის ხარისხითა და მოცულობით.
ბანკნოტის უკანა მხარეს/რევერსზე გამოსახულია ნიკო ფიროსმანის ტილოები - "მეთევზე წითელ პერანგში" და "კალო". ასევე, საქართველოს სახელმწიფო გერბი.
განახლებული 5 ლარის ნომინალის ბანკნოტის დიზაინის ავტორი ბაჩა მალაზონიაა. ახალი ბანკნოტები გერმანიაში დაიბეჭდა.
სხვაობა განახლებულსა და ძველ ბანკნოტებს შორის
ფოტო: ფოტო:ტაბულა
ეროვნული ბანკი 10-ლარიანი ბანკნოტის განახლებასაც გეგმავს.
