არჩევნები 2017

საია: გაურკვეველი პირები უბნებზე მისულ ამომრჩევლებს მეორე ტურზეც აღრიცხავენ

0 კომენტარი
ფოტო: ტაბულა

საქართველოს ახალგაზრდა იურისტთა ასოციაციის განცხადებით, ბორჯომის #7 და #27 უბნების გარეთ სიებით იმყოფებიან ადამიანები, რომლებიც უბნებზე მისულ ამომრჩეველს აღრიცხავენ. ასევე, ამავე უბნებზე ამომრჩეველი სამარშუტო ტაქსებით და მანქანებით მოჰყავთ.

ორგანიზაციის ცნობით, მანქანით მიჰყავთ ამომრჩეველი ოზურგეთის #40 უბანზეც.

უბანზე მისულ ამომრჩეველს აღრიცხავდნენ ასევე ყაზბეგის #2 საარჩევნო უბნის გარეთ მყოფი პირები.

ოზურგეთის მე-7 უბანზე კი ამომრჩევლის აღრიცხვა საარჩევნო უბნის შიგნით ხდება, სადაც „ქართული ოცნების“ დამკვირვებელი მათ სახელს და გვარს რვეულში ინიშნავს. 

საქართველოს ახალგაზრდა იურისტთა ასოციაცია ამ ფაქტებს ამომრჩევლის ნების კონტროლად აფასებს. 

ახალი ვიდეო მეტი ვიდეო

შსს: დავაკავეთ ბიზნესპარტნიორები, რომლებმაც დავის გადასაწყვეტად კანონიერ ქურდებს მიმართეს

კომენტარები