ოჯახში ძალადობა

თბილისში მამაკაცი ყოფილ ცოლსა და მის ოჯახს დანით თავს დაესხა

0 კომენტარი

თბილისში მთვრალი მამაკაცი ყოფილ ცოლს და მის მშობლებს დანით თავს დაესხა.

ოჯახის ახლობლების ინფორმაციით, კაცმა ყოფილ ცოლს ხუთჯერ დაარტყა დანა, მათ შორის ერთი - თავში.

მათი თქმით, სამივე დაშავებული კლინიკაშია გადაყვანილი, მამის მდგომარეობა ამ დრომდე მძიმეა.

როგორც ტაბულას საქართველოს შინაგან საქმეთა სამინისტროში უთხრეს, მომხდარზე გამოძიება ოჯახური დანაშაულის და ჯანმრთელობის განზრახ მძიმე დაზიანების მუხლებით მიმდინარეობს (სისხლის სამართლის კოდექსის მე-11 პრიმა და 117-ე მუხლის მე-7 ნაწილის "ა" ქვეპუნტი).

ოჯახის ახლობლები ასევე ამბობენ, რომ თავდამსხმელი წარსულში ნასამართლევია. გარდა ამისა, მას ყოფილ ცოლთან მიახლოება აკრძალული ჰქონდა. ტაბულა აღნიშნული ინფორმაციის დაზუსტებას შსს-სგან ელოდება.

შეგახსენებთ, ოფიციალური სტატისტიკით, 2017 წლის ორ კვარტალში ოჯახში ძალადობის მსხვერპლი 1580 ქალია, მოძალადე კი 1557 კაცი.

გარდა ამისა, საქართველოს მთავარი პროკურატურის ინფორმაციით, 2017 წელს ოჯახში ძალადობის შედეგად მოკლულია 12 ქალი.

ახალი ვიდეო მეტი ვიდეო

ანა კუბლაშვილი "NEWA"

კომენტარები