საქართველოს მთავრობის გადაწყვეტილებით, 6 აპრილი საქართველოში გლოვის დღედ გამოცხადდა.
ტყიბულში, მინდელის სახელობის შახტაში დაღუპული მუშების ხსოვნის პატივსაცემად, ხვალ ყველა ადმინისტრაციულ შენობაზე სახელმწიფო დროშები დაეშვება.
დღეს, გამთენიისას ტყიბულში მინდელის სახელობის შახტაში ჭერის ჩამონგრევის შედეგად 6 ადამიანი გარდაიცვალა, 3 კი მძიმედ დაშავდა.
როგორც კომპანიის წარმომადგენლებმა ეკონომიკის მინისტრს დიმიტრი ქუმსიშვილს განუცხადეს, სამთო დარტყმის შედეგად შახტაში ქანები ჩამოიშალა.
