ევროპული საქართველოს ინფორმაციით, ხონში გიგი უგულავას პლაკატი დააზიანეს.
"არჩევნები დარღვევებით დაიწყო, სოფელ კონტუათში, გიგი უგულავას პლაკატი დააზიანეს და ჩამოხიეს" - აცხადებენ პარტიის პრესსამსახურში.
მათივე ცნობით, ასევე დაზიანებულია ვანში, ქალაქის ცენტრში განთავსებული ბანერი.
დღეს, ვანისა და ხონის გაერთიანებულ ოლქში პარლამენტის შუალედური არჩევნები ტარდება. ადგილობრივ მოსახლეობას არჩევანის გაკეთება ექვს კანდიდატს შორის შეუძლია.
