ზუგდიდის მუნიციპალიტეტის სოფელ ცაიშში შუალედური არჩევნები მიმდინარეობს. ცესკოს ინფორმაციით, თემში სულ 2 819 ამომრჩეველია დარეგისტრირებული. ცაიშში სამი საარჩევნო უბანია გახსნილი.
ზუგდიდის საკრებულოს მაჟორიტარობისთვის სამი კანდიდატი იბრძვის, ქართული ოცნებიდან - თენგიზ ალმასია, ევროპული საქართველოდან - გოდერძი კუკავა და თავისუფალი საქართველოდან - ბაჩუკი ნარუშვილი.
ცესკოს ინფორმაციით, კენჭისყრის პროცესი მშვიდ და ყველასათვის ხელმისაწვდომ გარემოში მიმდინარეობს და 12 საათისათვის, სამივე უბანზე აქტივობა 16.74% იყო.
სოფელ ცაიშში შუალედური არჩევნები მას შემდეგ დაინიშნა, რაც ზუგდიდი საკრებულოს მაჟორიტარი დეპუტატი ცაიშიდან, თამაზ ჟორჟოლიანი გარდაიცვალა.