მექსიკაში, დურანგოს საერთაშორისო აეროპორტთან Aeroméxico-ს სამგზავრო თვითმფრინავი ჩამოვარდა. ბორტზე 97 მგზავრი და ეკიპაჟის 4 წევრი იმყოფებოდა.
გუბერნატორ ხოსე აისპუროს ინფორმაციით, ბორტზე მყოფი ყველა ადამიანი გადარჩა, თუმცა, 85 - დაშავდა. აქედან ორი - კრიტიკულ მდგომარეობაშია.
თვითმფრინავი აეროპორტთან ახლოს, აფრენისთანავე ჩამოვარდა. წინასწარი ინფორმაციით, მიზეზი უამინდობა გახდა. ჩამოვარდნიდან მალევე, Embraer 190-ს ცეცხლი გაუჩნდა და დაიწვა.