შინაგან საქმეთა სამინისტროს საპატრულო პოლიციის დეპარტამენტის თანამშრომლებმა, ნარკოტიკული საშუალების უკანონო შეძენა-შენახვის ბრალდებით, ფონიჭალის დასახლებაში 1992 წელს დაბადებული ე.კ. დააკავეს.
"სამართალდამცველებმა, დაკავებულის პირადი ჩხრეკისას, 18 შეკვრად
დაფასოებული ნარკოტიკული საშუალება ჰეროინი ნივთმტკიცებად ამოიღეს",- აცხადებენ უწყებაში.
გამოძიება ნარკოტიკული საშუალების უკანონო შეძენა-შენახვის ფაქტზე,
საქართველოს სისხლის სამართლის კოდექსის 260-ე მუხლის 1-ლი ნაწილით
მიმდინარეობს. დანაშაული 6 წლამდე ვადით თავისუფლების აღკვეთას ითვალისწინებს.
