კატალონიის "ბარსელონას" კაპიტანმა ლიონელ მესიმ "სევილიასთან" ესპანეთის ლა ლიგის გუშინდელ მატჩში ხელის ტრავმა მიიღო. კატალონიელი ექიმების განცხადებით, 31 წლის არგენტინელს მოტეხილობა აქვს.
მესის მკურნალობას 3 კვირა დასჭირდება, რაც იმას ნიშნავს, რომ ბარსელონელთა ლიდერი მადრიდის "რეალთან" "ელ კლასიკოს" გამოტოვებს. "ბარსელონა" "რეალს" 28 ოქტომბერს დაუპირისპირდება.
"ბარსელონამ" "სევილია" 4:2 დაამარცხა. მესიმ ტრავმის მიღებამდე გოლიც გაიტანა და საგოლე პასიც გააკეთა.
