საგანგებო სიტუაციების მართვის სამსახურის მეხანძრე-მაშველებმა ფონიჭალაში, საცხოვრებელი სახლის ნანგრევებში ქალის ცხედარი იპოვეს.
სამძებრო-სამაშველო ღონიძიებები ამ წუთებშიც გრძელდება. ეძებენ კიდევ ერთ ადამიანს, რომელიც წინასწარი ინფორმაციით, 1 წლამდე ბავშვია.
ზემო ფონიჭალის დასახლებაში, საცხოვრებული კორპუსის მესამე სართულზე, ბუნებრივმა აირმა გაჟონა. აფეთქების შედეგად, სამშენებლო ფილა მეორე სართულზე ჩავარდა.
"მესამე სართულზე იმყოფებოდა ოჯახი - დედა-შვილი, ასევე, მამა, რომლებიც ამ ფილასთან ერთად ჩამოვარდნენ მეორე სართულზე. ისინი გადაყვანილი არიან საავადმყოფოში.
მეორე სართულზე, სადაც არის სამშენებლო ფილა ჩავარდნილი, ჩვენი ინფორმაციით, სახლში უნდა იმყოფებოდეს დედა-შვილი" - აცხადებდა შსს რამდენიმე საათის წინ.
გამოძიება სისხლის სამართლის კოდექსის 240-ე პრიმა მუხლის მე-2 ნაწილით დაიწყო (ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევა, რამაც გამოიწვია ადამიანის სიცოცხლის მოსპობა ან რამე სხვა მძიმე შედეგი). მუხლი ოთხიდან შვიდ წლამდე თავისუფლების აღკვეთას ითვალისწინებს.